Gujarati News

Gujarati News

News of Saturday, 5th December 2020

કૃષિ ધારાનો વિરોધ કરી રહેલા ખેડૂતોને તાત્કાલિક હટાવો : શહેરની બોર્ડર તથા રસ્તાઓ ચક્કાજામ થઇ જતા હોવાથી આવશ્યક સેવાઓની હેરફેરમાં મુશ્કેલી

દર્દીઓને હોસ્પિટલે પહોંચાડવામાં અવરોધ : કોરોના વાઇરસ ફેલાવાનો ડર : સુપ્રીમ કોર્ટમાં જાહેર હિતની અરજી

નવી દિલ્હી તા. ૫ : કેન્દ્ર સરકારે પસાર કરાવેલો કૃષિ ધારો ખેડૂતોને નુકશાન કરનારો છે. તે પાછો ખેંચવો જોઈએ તેવી માંગણી સાથે પંજાબ સહિતના રાજયોના હજારો ખેડૂતો દિલ્હી પહોંચી ગયા છે.તથા આ ધારો પાછો ખેંચવા માટે છેલ્લા ૯ દિવસ જેટલા સમયથી દેખાવો કરી રહ્યા છે.તેમની સાથે સરકારે કરેલી મંત્રણા પણ નિષ્ફળ નીવડી છે.

આ સંજોગોમાં ખેડૂતો દ્વારા થઇ રહેલા દેખાવોને કારણે શહેરની બોર્ડર તથા રસ્તાઓ ચક્કા જામ થઇ ગયા હોવાથી આવશ્યક સેવાઓની હેરફેર કરવામાં મુશ્કેલી પડી રહી છે. દર્દીઓને હોસ્પિટલે પહોંચવામાં અવરોધ ઉભો થઇ રહ્યો છે.તેમજ વર્તમાન કોરોના રોગચાળાને કારણે આંદોલનમાં ભેગા થયેલા હજારો લોકોને કારણે કોરોનાનો ફેલાવો વધવાની ભીતિ છે.જે બાબત સમગ્ર દેશ માટે ખતરનાક પુરવાર થઇ શકે છે.

ઉપરોકત કારણોસર સુપ્રીમ કોર્ટમાં એડવોકેટ ઓમપ્રકાશ પરિહરે જાહેર હિતની પિટિશન દાખલ કરી છે. તેવું બી.એન્ડ બી.દ્વારા જાણવા મળે છે.

(11:40 am IST)
  • ખેડૂત આંદોલને જોર પકડ્યું : આવતીકાલ શનિવારે મોદીનું પૂતળું બાળશું : રસ્તાઓ ઉપર ચક્કાજામ વધારી દઈશું : જો અમારી માંગણી નહીં સંતોષાય તો 8 તારીખે ભારત બંધ access_time 7:18 pm IST

  • દેશમાં કોરોનાથી મૃત્યુઆંક 1.40 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10 -30 વાગ્યા સુધીમાં કોરોનાના નવા 28,222 કેસ નોંધાયા : કુલ કેસની સંખ્યા 96,36,741 થઇ : એક્ટીવ કેસ 4,03,015 થયા : વધુ 33,273 દર્દીઓ સ્વસ્થ થતા કુલ 90, 91,334 રિકવર થયા : વધુ 335 ના મોત સાથે કુલ મૃત્યુઆંક 1,40,072 થયો access_time 12:04 am IST

  • દેશભરમાં આરટી-પીસીઆર ટેસ્ટનો સમાન દર રાખવા સુપ્રીમ કોર્ટમાં માગણી: બેફામ લેવાયેલ રકમો પરત અપાવવા રીટ પીટીશન : દેશભરમાં ખાનગી લેબોરેટરીઓ અને હોસ્પિટલો દ્વારા કોરોના અંગેના "આરટી-પીસીઆર" ટેસ્ટના બેફામ ભાવો કટકતાવવામાં આવ્યા છે તે પરત અપાવવા અને દેશભરમાં કોરોના ટેસ્ટ માટે ૪૦૦ રૂપિયાનો સમાન દર રાખવા માટેના હુકમ ફરમાવવા માગણી કરતી એક રિટ પિટિશન સુપ્રીમ કોર્ટમાં કરવામાં આવી છે. access_time 2:37 pm IST