Gujarati News

કનેકટીકટઃ તાજેતરમાં યુ.એસ.ના કનેકટીકટમાં રર સપ્ટેં.૨૦૧૯ના રોજ મલયાલી એશોશિએશન ઓફ સાઉધર્ન કનેકટીકટના ઉપક્રમે ''ઓનમ સંધ્યા'' ઉત્સવ ઉજવાઇ ગયો.

પરંપરાગત નૃત્ય,સંગીત,તથા નાટક સાથે ઉમંગભેર કરાયેલી ઉજવણીમાં કેરાલાના વતની તેવા ઇન્ડિયન અમેરિકન હિન્દુ,મુસ્લિમ,તેમજ ખ્રિસ્તી નાગરિકોએ સતત ૩ કલાકનો આનંદ માણ્યો હતો. જેમાં ૪૦૦ ઉપરાંત લોકોએ હાજરી આપી હતી. તથા રંગબેરંગી વસ્ત્રોમાં સજજ કેરાલીઅન મહિલાઓએ રજુ કરેલા ભારતીય સંસ્કૃતિને ઉજાગર કરતા ડાન્સ તથા નૃત્યોથી ઉપસ્થિતોને મંત્રમુગ્ધ કરી દીધા હતાં. સાથોસાથ 'જટાયુ મોકસમ' નામક નૃત્યુ નાટિકા પણ દર્શાવાઇ હતી. તેવું UNN દ્વારા જાણવા મળે છે.