Gujarati News

Gujarati News

News of Saturday, 5th October 2019

અબ્દુલ્લાને મળવા પાર્ટીના પ્રતિનિધિમંડળને લીલીઝંડી

ફારુક અબ્દુલ્લા અને ઓમર અબ્દુલ્લા હાલ નજરકેદ હેઠળ રખાયા છે : જમ્મુ કાશ્મીર વહીવટીતંત્ર દ્વારા મંજુરી મળ્યા બાદ આજે જમ્મુથી પહોંચશે : પાર્ટીના કાર્યકરોમાં સંતોષની લાગણી

શ્રીનગર,તા.૫ : જમ્મુ પ્રાંતના નેશનલ કોન્ફરન્સના પ્રતિનિધિમંડળને ફારુક અબ્દુલ્લા અને ઓમર અબ્દુલ્લાને મળવા માટે જમ્મુ કાશ્મીર વહીવટીતંત્ર દ્વારા મંજુરી આપી દેવામાં આવી છે. પાર્ટી પ્રમુખ ફારુક અબ્દુલ્લા અને ઉપપ્રમુખ ઓમર અબ્દુલ્લાને મળવાની મંજુરી અપાયા બાદ આ લોકો હવે મળવા માટે પહોંચશે. આવતીકાલે રવિવારના દિવસે તેમને મળવાની યોજના તૈયાર કરવામાં આવી છે. ઓમર અબ્દુલ્લા અને ફારુક અબ્દુલ્લા અન્ય મોટા નેતાઓની સાથે હજુ નજરકેદ હેઠળ છે. પ્રાંતિય પ્રમુખ દેવેન્દ્રસિંહ રાણાના નેતૃત્વમાં પ્રતિનિધિમંડળમાં પાર્ટીના પૂર્વ ધારાસભ્યો રહેલા છે. આ લોકો આવતીકાલે સવારે જમ્મુથી ઉંડાણ ભરીને પહોંચશે. નેશનલ કોન્ફરન્સના પ્રવક્તા મદન મંટી દ્વારા આ મુજબની વાત કરવામાં આવી છે.

રાણાએ આ સંદર્ભમાં રાજ્યપાલ સત્યપાલ મલિક પાસેથી પરવાનગી માંગી હતી. મંટુના કહેવા મુજબ અબ્દુલ્લાને મળવાનો નિર્ણય હાલમાં જ યોજાયેલી વરિષ્ઠ અધિકારીઓની બેઠકમાં લેવામાં આવ્યો હતો. બે દિવસ પહેલા જ જમ્મુ પ્રાંતના જિલ્લા પ્રમુખો અને વરિષ્ઠ નેતાઓની બેઠક યોજાઈ હતી. જમ્મુ આધારિત નેશનલ કોન્ફરન્સના નેતાઓની અવરજવર ઉપરથી નિયંત્રણો દૂર કરવામાં આવ્યા બાદ હવે મળવાનો નિર્ણય કરવામાં આવ્યો છે. ૮૧ વર્ષીય ફારુક અબ્દુલ્લા તેમના શ્રીનગર આવાસ ઉપર હાલમાં નજરકેદ હેઠળ છે જ્યારે તેમના પુત્ર ઓમર અબ્દુલ્લા સ્ટેટ ગેસ્ટહાઉસમાં નજરકેદ હઠળ રાખવામાં આવ્યા છે. બંને નેતાઓને મળવાની પરવાનગી મળ્યા બાદ સ્થિતિ ધીમે ધીમે વધુ સામાન્ય બની રહી છે. વહીવટીતંત્ર દ્વારા પણ પાર્ટીના કાર્યકરોને મળવા માટેની મંજુરી આપી દેતા આંશિકરીતે તેમને મોટી રાહત થઇ છે.

(8:13 pm IST)
  • મોડીરાત્રે રાજકોટના બજરંગવાડી 25 વારિયા પ્લોટ પાસે રાજીવનગર મેઈન રોડ પર રિક્ષામાં અચાનક આગ ભભૂકી : રિક્ષામાં પેટ્રોલ લીક થતું હોવાથી આગ લાગ્યાનું પ્રાથમિક તારણ : આસપાસના રહીશોએ પાણીનો મારો ચલાવ્યો : સદનસીબે કોઈ જાનહાની કે ઇજા નથી access_time 11:29 pm IST

  • છત્તીસગઢમાં ઓબીસી અનામત વધારીને 27 ટકા કરવા પર હાઇકોર્ટની બ્રેક : છત્તીસગઢ હાઇકોર્ટે રાજ્ય સરકારના એ નિર્ણંય પર રોક લગાવી છે જેમાં અન્ય પછાત વર્ગને 14 ટકાની જગ્યાએ 27 ટકા અનામત અપાવની વાત કહેવાય હતી : 15મી ઓગસ્ટે રાજ્યના મુખ્યમંત્રી ભૂપેશ બુધેલે અન્ય પછાત વર્ગ માટે અનામતનો દાયરો 14 ટકાથી વધારીને 27 ટકા કરવાની જાહેરાત કરી હતી access_time 1:10 am IST

  • હરિયાણામાં કોંગ્રેસના 40 સ્ટાર પ્રચારકોની યાદીમાં નવજોતસિંહ સિદ્ધુ ગાયબ : હરિયાણામાં કોંગ્રેસના 40 સ્ટાર પ્રચારકોની યાદી જાહેર : વિધાનસભા ચૂંટણીમાં સાંભળશે મોરચો :પંજાબની નજીકના આ રાજ્યની ચૂંટણી માટે કોંગ્રેસના પ્રચારકોની યાદીમાં સિદ્ધુ ના નામની બાદબાકી access_time 12:58 am IST