Gujarati News

નવી દિલ્હી તા. ૫ : દેશની રાજધાની દિલ્હીમાં એક યુવતી દ્વારા અન્ય યુવતી સાથે દુષ્કર્મ કરવાનો ચોંકાવનારો મામલો સામે આવ્યો છે. પીડિત યુવતીની ફરિયાદ સાંભળીને પોલીસ પણ હેરાન છે. ૨૫ વર્ષીય પીડિત યુવતીએ દિલ્હી પોલીસને આપેલી ફરિયાદમાં આરોપ લગાવ્યો છે કે તેની સાથે બે પુરુષો અને એક યુવતીએ સામૂહિક દુષ્કર્મ કર્યું છે.

તો મેજિસ્ટ્રેટની સામે પણ પીડિતાએ આ ચોંકાવનારું નિવેદન આપ્યું છે કે સામુહિક દુષ્કર્મમાં એક ૧૯ વર્ષીય યુવતી પણ શામેલ છે. પીડિતાએ આ બાબતે ખુલાસો કરતા કહ્યું કે પુરુષો સાથે યુવતીએ પણ એક રૂમમાં બંધ કરીને જબરજસ્તી તેનું યૌન શોષણ કર્યું.

યુવતીનું કહેવું છે કે બિઝનેસમાં રોકાણના નામે તેને દિલ્હી બોલાવવામાં આવી હતી. જયાં બે પુરૂષો અને એક યુવતીએ તેની સાથે સામુહિક દુષ્કર્મ કર્યું. યુવતીની ફરિયાદ પર પૂર્વ દિલ્હીના સીમાપુરી પોલીસ સ્ટેશનમાં બંને આરોપી પુરુષોની ફરિયાદ સામુહિક દુષ્કર્મનો મામલો દાખલ કરી બંને આરોપીઓની ધરપકડ કરી લીધી છે. આ વિશે ડીસીપી મેઘના યાદવે જણાવ્યું કે યુવતીની ફરિયાદ બાદ આરોપોની તપાસ કરાઈ રહી છે. ડીસીપી મુજબ, યુવતીના નિવેદનોના આધારે આ મામલો દાખલ કરવામાં આવશે અને આગળની કાર્યવાહી કરવામાં આવશે.

પોલીસ મુજબ યુવતી મૂળરૂપથી સિક્કિમની રહેવાસી છે અને દિલ્હી નજીક હરિયાણાના ગુરુગ્રામમાં એક પ્રાઈવેટ કંપનીમાં કામ કરતી હતી. જોકે બાદમાં તેણે પોતાનો બિઝનેસ કરવાના ઈરાદેથી નોકરી છોડી દીધી. તે બેરોજગાર હતી અને પોતાનું કામ કરવા ઈચ્છતી હતી. આ વચ્ચે બંને પુરુષો અને એક યુવતીના સંપર્કમાં આવી. મુલાકાત દરમિયાન બે પુરુષો અને તેમની સાથે રહેલી એક યુવતીએ બિઝનેસની વાત કરી. ત્રણેયએ કહ્યું કે તે ૧૫-૨૦ લાખ રૂપિયા લઈને આવે તો તેઓ તેને પાર્ટનર બનાવી લેશે અને બિઝનેસ શરૂ કરશે. આ બાદ તે પંજાબ જતી રહી.

પીડિત યુવતીએ જણાવ્યું કે તે પંજાબથી ૧૫ લાખ રૂપિયા લઈને દિલ્હી પહોંચી તો તેને એક એપાર્ટમેન્ટમાં બોલાવવામાં આવી. જયાં તેને પાર્ટનર બનવાની ઔપચારિકતા પૂરી કરવાનું કહેવાયું. અહીં આવવા પર બે પુરુષોએ યુવતીને રૂમમાં બંધ કરીને તેની સાથે સામુહિક દુષ્કર્મ કર્યું પછી તેની બાદ ત્યાં ઉપસ્થિત યુવતીએ પણ તેનું યૌન શોષણ કર્યું.(૨૧.૪)