Gujarati News

Gujarati News

News of Wednesday, 5th August 2020

'બાબરી મસ્જિદ હતી અને રહેશે' : ભૂમિપૂજન પહેલા મુસ્લિમ પર્સનલ લો બોર્ડનું વિવાદિત ટ્વિટ

બોર્ડે ફરી એકવાર સુપ્રીમ કોર્ટના ચૂકાદા પર સવાલ ઉઠાવ્યા

નવી દિલ્હી તા. ૫ : આજે ૫ ઓગસ્ટના રોજ વડાપ્રધાન નરેન્દ્ર મોદી અયોધ્યામાં શ્રી રામ જન્મભૂમિ પૂજન કરશે, ત્યારબાદ મંદિર નિર્માણ શરૂ થશે. સુપ્રીમ કોર્ટના ચૂકાદા બાદ વિવાદિત માળખા અને શ્રી રામ મંદિરનો નિર્ણય થઇ શકયો છે. પરંતુ ઓલ ઇન્ડીયા મુસ્લિમ પર્સનલ લો બોર્ડે ફરી એકવાર સુપ્રીમ કોર્ટના ચૂકાદા પર સવાલા ઉઠાવ્યા છે અને હાગિયા સોફિયા મસ્જિદનું ઉદાહરણ આપતાં કહ્યું કે બાબરી મસ્જિદ હતી અને હંમેશા રહેશે.

ઓલ ઇન્ડીયા મુસ્લિમ પર્સનલ લો બોર્ડે પોતાના ઓફિશિયલ ટ્વિટર હેન્ડલ પરથી ટ્વિટ કર્યું, 'બાબરી મસ્જિદ હતી અને હંમેશા જ રહેશે' હાગિયા સોફિયા તેનું એક મોટું ઉદાહરણ છે. અન્યાયપૂર્ણ, દમનકારી, શરમજનક અને બહુસંખ્યક તુષ્ટિકરણ નિર્ણય દ્વારા જમીન પર પુનનિર્માણ તેન બદલી ન શકાય. દુખી થવાની કોઇ જરૂર નથી. કોઇ સ્થિતિ હંમેશા માટે રહેતી નથી.

૧૫૦૦ વર્ષ પ્રાચીન વિરાસત સહિત યૂનેસ્કોની વિશ્વ વિરાસતમાં સામેલ હાગિયા સોફિયા મ્યૂઝિમને લઇને મોટા ફેરફાર થયા. ગત મહિને જુલાઇમાં ટર્કીના રાષ્ટ્રપતિ રેચેપ તૈય્યબ એર્દોગનએ આ ઐતિહાસિક મ્યૂઝિયમને ફરીથી મસ્જિદમાં બદલવાનો આદેશ આપ્યો. રાષ્ટ્રપતિ અર્દોગને ૧૯૩૪ના તે નિર્ણયને પલટી દીધો છે, જેના હેઠળ ૧૪૩૪ ઇસ્તાંબુલ પર કબજો કર્યા બાદ ઉસ્માની સલ્તનત દ્વારા મસ્જિદમાં તબ્દીલ થઇ હાગિયા સોફિયાને એક મ્યૂઝિયમ બનાવી દીધું હતું. આ ઐતિહાસિક ઇમારતને ઘણી વાર પોતાની રંગતોને બદલતા જોઇ છે. જયારે આ ઇમારત બનાવવામાં આવી ત્યારે એક ભવ્ય ચર્ચ હતું અને સદીઓ સુધી આ ચર્ચ રહ્યું. પછી તેને મસ્જિદમાં તબદીલ કરવામાં આવી.

હાગિયા સોફિયા દુનિયાના સૌથી મોટા ચર્ચોમાંથી એક રહ્યું છે. તેને છઠ્ઠી સદીમાં બાઇજેંટાઇન સમ્રાટ જસ્ટિનિયનના હુકમથી બનાવવામાં આવ્યું હતું. તે સમયે તે શહેરને કુસ્તુનતુનિયા અથવા કોન્સ્ટેટેનટિનોપોલના નામથી ઓળખવામાં આવતું હતું. ૫૩૭ ઇ.સમાં નિર્માણ પુરૂ થયા બાદ આ બિલ્ડીંગને ચર્ચ બનાવવામાં આવ્યું.

(10:38 am IST)
  • દેશમાં કોરોનાનો કહેર યથાવત :છેલ્લા 24 કલાકમાં નવા 56,626 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 19,63,239 કેસ થયા :5,49,850 એક્ટિવ કેસ :કુલ 13,27,200 દર્દીઓ રિકવર :વધુ 919 લોકોના મોત :મૃત્યુઆંક 40,739 થયો : મહારાષ્ટ્રમાં સૌથી વધુ 10,309 કેસ : તામિલનાડુમાં નવા 5175 કેસ :દિલ્હીમાં 1076 કેસ : આંધ્રપ્રદેશમાં નવા 10,128 કેસ: કર્ણાટકમાં નવા 5619 કેસ :ઉત્તર પ્રદેશમાં 4078 કેસ અને પશ્ચિમ બંગાળમાં વધુ 2816 કેસ :બિહારમાં 2701 નવા કેસ, તેલંગાણામાં 2012 કેસ,રાજસ્થાનમાં 1166 કેસ અને આસામમાં 2284 નવા કેસ અને ઓરિસ્સામાં 1337 કેસ અને કેરળમાં પણ 1195 કેસ નોંધાયા access_time 1:05 am IST

  • સાબરકાંઠા જિલ્લામાં કોરોનાનો કહેર યથાવત :જિલ્લામાં આજે ૧૧ કોરોના પોઝિટિવ કેસ નોંધાયા: જિલ્લામાં કુલ પોઝિટિવ કેસની સંખ્યા 486 થઇ :હિંમતનગરમાં સતત બીજા દિવસે ૬ પોઝિટિવ કેસ:ઇડરમાં બે કેસ ,તલોદ, પ્રાંતિજ અને વડાલીમાં એક-એક કોરોના પોઝિટિવ કેસ નોંધાયા access_time 7:09 pm IST

  • સૌરાષ્ટ્રમાં આગામી ત્રણ - ચાર દિ' અમુક જગ્યાએ મધ્યમથી ભારે વરસાદની આગાહીઃ હવામાન ખાતાએ જણાવ્યુ છે કે મોનસુન ટ્રફ નોર્મલ પોઝીશનમાં છે અને ઉત્તર બંગાળની ખાડીમાં લો-પ્રેસર સર્જાયુ છે : જેની અસરથી નૈઋત્યનું ચોમાસુ ફરી સક્રિય બન્યુ છે : સૌરાષ્ટ્ર - ગુજરાતમાં આજથી ત્રણ - ચાર દિવસ વરસાદી માહોલ જોવા મળશેઃ સાર્વત્રિક વરસાદ પડશેઃ અમુક જગ્યાએ મધ્યમથી ભારે વરસાદ પડી શકે છે : આજે અને આવતીકાલે વધુ અસર જોવા મળશે access_time 11:09 am IST