Gujarati News

Gujarati News

News of Wednesday, 5th August 2020

અયોધ્યા બન્યું રામમય, ભૂમિ પૂજનની પૂર્વ સંધ્યાએ દિવાળી જેવો માહોલ

આશરે એક લાખ દીવડા રોશન કરવામાં આવ્યા

અયોધ્યા તા. ૫ : ઉત્તર પ્રદેશની ધાર્મિક નગર અયોધ્યા રામ મય બની ચુકી છે. નવા ઘાટ રામ કી પૌડી પર દીપોત્સવ મનાવવામાં આવ્યો. અહીંયા આશરે એક લાખ દીવડા રોશન કરવામાં આવ્યા. સાકેત મહાવિદ્યાલયથી હનુમાનગઢી સુધી આશરે દોઢ કિલોમીટરના ક્ષેત્રમાં અલગ અલગ રંગો જોવા મળ્યા. માર્ગોની બંને બાજુના ભવન પીળા રંગની રોશનીથી શણગારવામાં આવ્યા. આ રોશનીએ અયોધ્યા નગરીમાં ખાસ આકર્ષણ જગાવ્યું હતું. સમગ્ર અયોધ્યામાં દિવાળી જેવા માહોલ જોવા મળ્યો. એવું અનુભૂતી થઇ કે જાણે અયોધ્યામાં રામ મંદિરના ભૂમિ પૂજનની પૂર્વ સંધ્યાએ દિવાળીનો તહેવાર ઉજવાઇ રહ્યો હોય.

ભૂમિ પૂજનને લઇને રામ નગરીની સાથે સાથે સમગ્ર દેશમાં ઉલ્લાસપૂર્ણ માહોલ છે. અહીં બુધવારે પણ દીપોત્સવ મનાવવામાં આવશે. મંદિરના નિર્માણ કાર્યની શરૂઆત પહેલા સરયૂ નદીના કિનારે વિશેષ સજાવટ કરવામાં આવી. અયોધ્યાના આશરે ૫૦ સ્થળોએ દીવડા પ્રગટાવવામાં આવ્યા હતા. સમગ્ર વિસ્તારને ભગવા અને લાલ ઝંડાથી સુશોભીત કરવામાં આવ્યો છે. જુદી જુદી રોશનીની કારણે અયોધ્યામાં સર્જાયેલા આ દ્રશ્યો વિહંગમ અને અભૂતપૂર્વ છે. રામનગરીમાં જાણે ત્રેતાયુગના દ્રશ્યો જોવા મળ્યા હોય તેવો ભાવ ઉભો થયો. એવું લાગ્યું કે જાણે ભગવાન રામ વનવાસ પૂર્ણ કરીને અયોધ્યા પરત ફરી રહ્યા હોય અને અયોધ્યાવાસીઓએ તેમના સ્વાગત માટે સમગ્ર નગરીને સજાવી હોય.

(10:41 am IST)
  • ગૌરવપ્રદ ક્ષણ : રાષ્ટ્રપિતા મહાત્મા ગાંધી બ્રિટીશ ચલણ પર દર્શાવનારા પ્રથમ બિન-શ્વેત વ્યક્તિ બનશે : યુરોપની રોયલ એડવાઇઝરી કમિટીએ ગાંધીજીને દર્શાવતો સિક્કો બનાવવા પર કામ શરૂ કર્યું હોવાનું ન્યૂઝફર્સ્ટ ના હવાલાથી જાણવા મળે છે. access_time 9:57 pm IST

  • અડવાણીજી ઘેરબેઠા રામમંદિર ભૂમિપૂજનની આ ઐતિહાસિક ક્ષણ જોઈ રહ્યા હશે : અનેક લોકોએ આ ક્ષણ માટે બલિદાનો આપ્યા છે : અયોધ્યામાં મંદિર નિર્માણનું કાર્ય પૂર્ણ થાય તેની સાથોસાથ આપણાં મનમંદિરમાં પણ શ્રી રામની મૂર્તિ બિરાજમાન કરીએ : આર એસ.એસ.સુપ્રીમો મોહન ભાગવતે : 500 વર્ષના સંઘર્ષ પછી સ્વપ્ન સાકાર થયું : યોગી આદિત્યનાથ : રામલલ્લા મંદિર ભુમીપુજન પ્રસંગે મહાનુભાવોના ઉદબોધનો access_time 1:41 pm IST

  • અયોધ્યા રામ મંદિરના ભૂમિ પૂજન પહેલા AHP ના : પ્રદેશ પ્રમુખ નિકુંજ પારેખની મધરાત્રે અમદાવાદમાં અટકાયત : ભગવાન રામ-જાનકી માતાની રથમાં મૂર્તિ રાખી પૂજાનું આયોજન કરેલું access_time 3:31 pm IST