Gujarati News

આતંક અને પથ્થરબાજીનો સામનો કરી રહેલા કાશ્મીરમાં શ્રીનગર સ્થિત કેન્દ્રીય વિશ્વ વિદ્યાલયનો પ્રથમ દિક્ષાંત સમારોહ ગઈકાલે યોજવામાં આવ્યો હતો. જે દરમિયાન વિદ્યાર્થીઓ અને વિદ્યાર્થીનીઓએ કંઈક આ રીતે જશ્ન મનાવ્યો હતો. આ સમારોહમાં વિદ્યાર્થીઓને ડીગ્રી, મેડલ અર્પણ કરવામાં આવ્યા હતા. આ વિદ્યાર્થીઓએ એટલે કે યુવાવર્ગે પથ્થરબાજોને એક સંદેશ પણ આપ્યો હતો કે યુવાવર્ગ ધારે તો કયાં પહોંચી શકે છે. અનેક વિદ્યાર્થીઓએ પોતાની નિપૂણતા પુરવાર કરી દાખલો બેસાડયો હતો. આ પ્રસંગે ગવર્નર એન.એન. વોરાએ પ્રાસંગિક સંબોધન કરી યુવાનોને રીસર્ચ તરફ આગળ વધવા હાકલ કરી હતી. રાજ્યની સમસ્યાઓના નિરાકરણ માટે રીસર્ચની જરૂર હોવાનો તેમને ભાર મુકયો હતો. આ સમારોહ બાદ યુવાવર્ગે કેમ્પસમાં જશ્ન મનાવ્યો હતો તે તસ્વીરમાં દેખાય છે. યુવાનોએ કયા માર્ગે જવુ જોઈએ તે દ્રષ્ટાંત આ ડીગ્રીધારીઓએ પથ્થરબાજોને આપ્યુ હતું.