Gujarati News

Gujarati News

News of Tuesday, 5th June 2018

કુમાર સ્વામી કેબિનેટનું આજે વિસ્તરણ

પ્રથમ તબક્કામાં જેડીએસના આઠથી નવ સભ્યોને સામેલ કરવામાં આવશે. બે ત્રણ જગ્યા ખાલી રાખવામાં આવશે

બેંગ્લોર, તા.૫: કર્ણાટકમાં મુખ્યમંત્રી કુમારસ્વામીએ આજે કહ્યું હતું કે, આવતીકાલે પ્રથમ તબક્કામાં મંત્રીમંડળનું વિસ્તરણ કરવામાં આવશે. જેડીએસના ઓછામાં ઓછા નવ ધારાસભ્યને સામેલ કરવામાં આવશે. કુમારસ્વામીએ મંત્રીમંડળના પ્રથમ તબક્કાના વિસ્તરણ પહેલા આજે કહ્યું હતું કે, મંત્રીમંડળ વિસ્તરણના પ્રથમ તબક્કામાં જેડીએસના આઠથી નવ સભ્યોને સામેલ કરવામાં આવશે. બે ત્રણ જગ્યા ખાલી રાખવામાં આવશે. રાજ્યના નાયબ મુખ્યમંત્રી પરમેશ્વરે પણ કેબિનેટ વિસ્તરણના અહેવાલને સમર્થન આપ્યું છે. આવતીકાલે બપોરે બે વાગે કુમારસ્વામી કેબિનેટનું વિસ્તરણ થશે. કોઇપણ પ્રકારના મતભેદ હોવાના અહેવાલને કુમારસ્વામીએ રદિયો આપ્યો હતો અને કહ્યું હતું કે, સાનુકુળરીતે સરકાર ચાલી રહી છે.

(9:55 pm IST)
  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST

  • ભાવનગર બોરતળાવ ગઠેચી વડલા વિસ્તારમાં આવેલ લાલ ટાંકી પાસે કોળી અને દરબારના જૂથ વચ્ચે અથડામણ :ચાર લોકોને ઇજા ;ડી ડિવિઝનનો પોલીસ કાફલો ઘટના સ્થળે દોડ્યો :બંને જૂથ દ્વારા પોલીસ ફરિયાદની તજવીજ access_time 10:17 pm IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST