Gujarati News

Gujarati News

News of Tuesday, 5th June 2018

અનોખું કાર્ડઃ નો ઓફિસ, નો બિઝનેસ, નો જોબ, નો વરીઝ

નવી દિલ્હી તા.૫: સોશ્યલ મિડીયાને કારણે લોકોની નાની-નાની ક્રિયેટીવ વાતો બહુ ઝડપથી વાયુવેગે લોકોમાં ચર્ચાતી થઇ જાય છે. તાજેતરમાં @ Pedestrianpoet નામના ટ્વીટર હેન્ડલ પરથી એક બિઝનેસ-કાર્ડની તસ્વીર પોસ્ટ કરવામા઼ આવી છે જે ઇન્ટરનેેટ પર છવાઇ ગઇ છે. સામાન્ય રીતે કોઇ વિઝિટીંગ-કાર્ડમાં વ્યકિત પોતે કયાં કામ કરે છે. કયા હોદા પર છે અને શું કરે છે એ લખેલું હોય છે, પરંતુ આ કાર્ડના ઉપરના ભાગમાં લખ્યું છેઃ નો ઓફિસ, નો બિઝનેસ, નો જોબ, નો વરીઝ. એ ઉપરાંત નીચે લખ્યું છેઃ હળવું કંઠય સંગીત, ટ્રાવેલીંગ, પોલિટિકલ ચર્ચા, કાર્ડ-ગેમ્સ, લંચ કે ડિનર માટે ઉપલબ્ધ છુ.

આવું હટકે બિઝનેસ-કાર્ડ બનાવનારનું નામ છે જી. સુનીલ સચદેવ. તેઓ રીટાયર્ડ થયા ત્યારે ઇન્ડિયન ઓઇલ કોર્પોરેશનમાં ચીફ મેનેજર તરીકે કામ કરતા હતા. ટ્વીટર-યુઝરે કાર્ડના ફોટોગ્રાફ સાથે લખ્યું છેઃ અંકલનું આ કાર્ડ મને મળ્યું એના છ મહિના પહેલાં જ તેઓ ગુજરી ગયા. કાશ, હું તેમને પહેલાં ઓળખી શકી હોત. તેમણે જીવનને ભરપુર જીવી લીધું.

(4:09 pm IST)
  • મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,08 રૂપિયા અને ડીઝલનો ભાવ લિટરે 74,00 રૂપિયા થશે :રાજ્ય પ્રમાણે કરવેરા અલગ થશે:છેલ્લા છ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:23 am IST

  • ભાવનગર બોરતળાવ ગઠેચી વડલા વિસ્તારમાં આવેલ લાલ ટાંકી પાસે કોળી અને દરબારના જૂથ વચ્ચે અથડામણ :ચાર લોકોને ઇજા ;ડી ડિવિઝનનો પોલીસ કાફલો ઘટના સ્થળે દોડ્યો :બંને જૂથ દ્વારા પોલીસ ફરિયાદની તજવીજ access_time 10:17 pm IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST