Gujarati News

Gujarati News

News of Tuesday, 5th June 2018

અમરનાથ યાત્રામાં આતંકી ભાંગફોડની શંકાએ સુરક્ષા દળો સતર્ક

શ્રીનગર, તા. ૫ : હંમેશા ચર્ચાનો વિષય બની રહેતી વાર્ષિક અમરનાથ યાત્રા શરૂ થવા આડે ગણતરીના દિવસો બાકી રહી ગયા છે. દર વર્ષની માફક આ વર્ષે પણ યાત્રાને આતંકીઓ નિશાન બનાવી શકે તેવી ખૂફીયા માહિતી મળતા સુરક્ષાદળો સતર્ક બન્યા છે. સૌથી વધુ ચિંતાનું કારણ એ છે કે ઓસામા બિન લાદેનના મૃત્યુ બાદ કાશ્મીરમાં આતંકી ગતિવિધિઓ સતેજ થવાની સતત ચેતવણીઓ મળી રહી છે.  જો કે આવી ધમકીઓ છતાં શ્રદ્ધાળુઓની આસ્થામાં કોઈ ફરક પડતો નથી અને સંખ્યા વધતી જ રહી છે. એક મહિનામાં યાત્રામાં નામ રજીસ્ટર્ડ કરાવનારા શ્રદ્ધાળુઓની સંખ્યા ૨ લાખને પાર કરી ગઈ છે.

સુરક્ષા એજન્સીઓ પણ આતંકીઓની ધમકી મળ્યાને સ્વીકારી રહ્યા છે. ૩૦ થી ૪૦ ભાંગફોળીયા તત્વો ઘુસી ગયાનું તેઓ સ્વીકારે છે. ગુપ્તચર એજન્સીઓનું કહેવુ છે કે આતંકીઓને તેમના આકાઓ તરફથી યાત્રા પર હુમલો કરવાની સુચના મળી છે. ૧૯૯૩ના અરસામાં યાત્રીઓએ આતંકી હુમલાઓ સહન કરવા પડ્યા હતા. ત્યારબાદ સુરક્ષા દળો તેમની ફરજ બજાવવામાં કદી ચૂકયા નથી અને શ્રદ્ધાળુઓ દર્શને આવવાનું ચૂકતા નથી.

(3:56 pm IST)
  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST

  • તાલાલા સાસણ રોડ પર જંગલ વિસ્તારમાં આગ ભભૂકી :મુખ્યમાર્ગની નજીકમાં લાગેલી આગે વિકરાળ સ્વરૂપ ધારણ કર્યું :છેલ્લી 20 મિનિટથી આગ ચાલુ છત્તા તંત્ર અજાણ હોવાનું જાણવા મળે છે સત્તાવાર સમર્થન અને વધુ વિગત મેળવાઈ રહી છે access_time 12:50 am IST