Gujarati News

Gujarati News

News of Tuesday, 5th June 2018

લગ્નની કંકોત્રી છપાઈ ગઈ હતી, પરંતુ સરહદેથી આવ્યું શહીદ વિજય પાંડેનું પાર્થિવ શરીર

લખનૌ, તા.૫ : ઉત્તરપ્રદેશના મુખ્યમંત્રી યોગી આદિત્યનાથએ કાશ્મીરમાં પાકિસ્તાની ગોળીબારમાં શહીદ થયેલા દેવરીયા નિવાસી બીએસએફના એએસઆઈ સત્યનારાયણ યાદવ અને ફતેહપુર નિવાસી કોન્સ્ટેબલ વિજયકુમાર પાંડેને પોતાની શ્રદ્ધાંજલી અર્પણ કરી હતી. મુખ્યમંત્રીએ શહીદોના પરીવારોને આર્થિક સહાયતાની ઘોષણા કરી છે. તેમણે કહ્યું કે સંકટની ઘડીમાં સરકાર તેમની સાથે છે. શહીદ થયેલા જવાનો પૈકી કોન્સ્ટેબલ વિજયકુમાર પાંડેના ૨૦મી જૂને લગ્ન થવાના હતા. તેમની રજા પણ મંજૂર થઈ ગઈ હતી. ૫ જૂને તેઓ પોતાના ઘેર આવવાના હતા. બીએસએફની ૩૩મી બટાલીયનમાં ફરજ બજાવતા વિજયકુમારના ઘરે શોકના વાદળો છવાઈ ગયા છે. ગઈકાલે તેમનો પાર્થિવ દેહ તેમના ગામ પહોંચ્યો હતો. પાકિસ્તાન તરફથી થયેલા ગોળીબારમાં વિજયકુમાર રાજુ પાંડે શહીદ થઈ ગયા. જયારે દેવરીયા સદર પોલીસ સ્ટેશન વિસ્તારમાં બાસપાર બૈદા ગામમાં રહેવાવાળા સત્યનારાયણ યાદવ પણ શહીદ થઈ ગયા.

(3:56 pm IST)
  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST

  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST

  • ઈરાને પોતાની યુરેનિયમ સંવર્ધન શ્રમતા વધારવાની દિશામાં કામ શરૂ કર્યું :ઈરાને આ માટે 2005માં વિશ્વના તાકાતવર દેશો સાથે થયેલ પરમાણુ સમજૂતી પર મંડરાતા ખતરાને મોટો જવાબદાર ગણાવ્યો છે ;ઈરાનની પરમાણુ એજન્સીના પ્રમુખે કહ્યું કે તેઓ 'નાતાંજ 'ક્ષેત્રમાં આધુનિક સેટ્રિફ્યુઝને વિકસિત કરવાવાળા માળખા પર કામ કરી રહ્યા છે access_time 1:15 am IST