Gujarati News

Gujarati News

News of Tuesday, 5th June 2018

ફેસબુક પર એપલ - સેમસંગ સહિત ૬૦ મોબાઇલ કંપનીઓને ડેટા શેર કરવાનો આરોપ

કેમ્બ્રિજ એનાલિટિકા ડેટા લીક મામલા પછી ફેસબુક વધુ એક કન્ઝયુમર ડેટા લીક વિવાદમાં ફસાઇ

નવી દિલ્હી તા. ૫ : કેમ્બ્રિજ એનાલિટિકા ડેટા લીક મામલા પછી ફેસબૂક વધુ એક કન્ઝયુમર ડેટા લીક વિવાદમાં ફસાઈ છે. ન્યૂયોર્ક ટાઈમ્સે તેના અહેવાલમાં દાવો કર્યો છે કે સોશિયલ મીડિયા કંપનીને એપલ, સેમસંગ અને માઈક્રોસોફટ સહિત સ્માર્ટફોન બનાવતી દુનિયાની અંદાજે ૬૦ પ્રતિષ્ઠિત કંપનીઓની સાથે પોતાના યુઝર્સ અને તેના સંબધની ખાનગી જાણકારી આપી છે.

અહેવાલ મુજબ ફેસબૂક એપના સ્માર્ટફોન પ્લેટફોર્મ પર મોટાપાયે આવે તે પહેલા ફેસબૂકે ડિવાઈસ મેકર્સની સાથે ડેટા શેરિંગ પાર્ટનરશિપ કરવાની ડીલ કરી લીધી હતી. કંપનીના એક અધિકારીએ આપેલી જાણકારી મુજબ ડિવાઈસ મેકર્સની સાથે થયેલી આ ડીલ હાલ પર ચાલુ છે. આ પાર્ટનરશિપથી ફેસબૂક ને પોતાની રીચ વધારવામાં મદદ મળી હતી. સાથે ફોન મેકર મેસેજિંગ અથવા લાઈક બટન અને એડ્રેસબુક જેવા સોશિયલ નેટવર્ક સાથે જોડાયેલ લોકપ્રિય ફીચરની ઓફર આપે છે. રિપોર્ટ અનુસાર મોબાઈલ મેકર્સની સાથે થયેલ આ ડીલ ૨૦૧૦ પહેલા કરાઈ હતી. જે કંપનીઓ સાથે ડીલ કરાઈ હતી, તેમાં બ્લેકબેરી પણ સામેલ હતા. જો કે હાલ બ્લેકબેરી માર્કેટમાં જરાય એકિટવ નથી.

ન્યૂયોર્ક ટાઈમ્સના રીપોર્ટ અનુસાર આ ડીલ અમેરિકી ફેડરલ ટ્રેડ કમીશનની સાથે ફેસબૂક તરફથી ૨૦૧૧ના પ્રાઈવેસી પ્રોટેકશન એન્ડ કોમ્પલાયેન્સ પર કરાયેલ કન્સેન્ટ ડિક્રીના સીધે સીધુ ઉલ્લંઘન દર્શાવે છે.

અત્રે નોંધનીય છે કે કેમ્બ્રિજ એનાલિટિકા ડેટા લીંક કૌભાંડ સામે આવ્યા પછી ફેસબૂક પહેલેથી જ કરોડો યૂઝર્સના ડેટા મિસયુઝ કરવાના કેસમાં મુશ્કેલીનો સામનો કરી રહી છે.

(3:53 pm IST)
  • કચ્છ ;કંડલા CISFએ કંડલા જેટી નજીકથી એક શંકાસ્પદ શખ્શની 11 સીમકાર્ડ સાથે ધરપકડ કરી :વધુ તપાસ માટે કંડલા મરીન પોલીસના હવાલે કરાયો access_time 12:48 am IST

  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST