Gujarati News

Gujarati News

News of Tuesday, 5th June 2018

બેથી વધુ બાળકો પેદા કરનારી મહિલાઓને હાર્ટ-એટેકનો ખતરો ૩૦ ટકા વધુ

નવી દિલ્હી તા.૫: મહિલાએ કેટલા સંતાન પેદા કર્યા છે. એના આધારે તેના પર હાર્ટ-એટેકનું જોખમ કેટલુ છે એ પણ કહી શકાય છે એવું બ્રિટનના નિષ્ણાંતોનું કહેવું છે. અભ્યાસકર્તાઓની વાત માનીએ તો જે મહિલાઓએ બે કે તેથી વધુ બાળકોને જન્મ આપ્યો હોય તેમને ભવિષ્યમાં હાર્ટ-એટેક આવવાની સંભાવના અન્ય મહિલાઓ કરતાં ૪૦ ટકા જેટલી વધી જાય છે. યુનિવર્સિટી ઓફ કેમ્બ્રિજના વૈજ્ઞાનિકોએ કરેલા અભ્યાસમાં જણાવાયું છે કે પાંચ કે એથી વધુ બાળકોની ડિલીવરી થઇ હોય એવી મહિલાઓ પર હાર્ટના રોગોનું રિસ્ક સોૈથી વધુ ૪૦ ટકા જેટલું હોય છે. એવું જોવા મળ્યું છે કે મહિલા પ્રેગનન્ટ થાય ત્યારે નવ મહિના દરમ્યાન હાર્ટને વધુ કામ કરવું પડે છે. જયારે બાળકની ડીલીવરી થવાની હોય ત્યારે પણ હ્યદય પર ખુબ લોડ આવે છે. વાત માત્ર પ્રેગનન્સી અને ડિલીવરીના સમય સુધીજ સીમિત નથી. વધુ બાળકો ધરાવતી મહિલાઓને સામાજિક અને પારિવારીક જવાબદારીઓ પણ વધુ ઉઠાવવી પડતી હોવાથી તેઓ પોતાના શરરી પ્રત્યે બિલકુલ ધ્યાન નથી આપી શકતી. બેથી વધુ બાળકો ધરાવતી મમ્મીઓને હ્રદયરોગનો હુમલો આવે એનું જોખમ ૩૦ ટકા જેટલું હોય છે. એ ઉપરાંત સ્ટ્રોક અને હાર્ટ-ફેલ્યરની સંભાવના પણ ૧૭ ટકા જેટલી વધે છે. મહિલાઓ પરના આ ખતરાનું નિવારણ બ્રેસ્ટ-ફિડીંગથી થઇ શકે છે. એવું થોડાક સમય પહેલાં મેન્ચેસ્ટરમાં થયેલા અભ્યાસમાં તારવાયું હતું.

(3:36 pm IST)
  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST

  • ઈરાને પોતાની યુરેનિયમ સંવર્ધન શ્રમતા વધારવાની દિશામાં કામ શરૂ કર્યું :ઈરાને આ માટે 2005માં વિશ્વના તાકાતવર દેશો સાથે થયેલ પરમાણુ સમજૂતી પર મંડરાતા ખતરાને મોટો જવાબદાર ગણાવ્યો છે ;ઈરાનની પરમાણુ એજન્સીના પ્રમુખે કહ્યું કે તેઓ 'નાતાંજ 'ક્ષેત્રમાં આધુનિક સેટ્રિફ્યુઝને વિકસિત કરવાવાળા માળખા પર કામ કરી રહ્યા છે access_time 1:15 am IST

  • મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,08 રૂપિયા અને ડીઝલનો ભાવ લિટરે 74,00 રૂપિયા થશે :રાજ્ય પ્રમાણે કરવેરા અલગ થશે:છેલ્લા છ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:23 am IST