Gujarati News

Gujarati News

News of Tuesday, 5th June 2018

૧૫ જુન બાદ પ્રદુષણ-ફિટનેસ સર્ટી વગર વાહન વીમો નહિ

હવે સરળ નહિ રહે થર્ડ પાર્ટી વીમો

નવી દિલ્હી તા. પ :.. ૧પ જૂન પછી વાહનોનો થર્ડ પાર્ટી વીમો કરાવવો સરળ નહીં હોય સરકારી માલ અને યાત્રી વાહનોનો વીમો વાહનોના ફીટનેસ સર્ટીફીકેટ અને પ્રદુષણ પ્રમાણ પત્ર (પીયુસી) આપવામાં આવે ત્યારે જ થઇ શકશે.

માર્ગ મંત્રાલય દ્વારા આ બાબતે બધી ઇન્સ્યોરન્સ  કંપનીઓને પત્ર લખવામાં આવ્યો છે. પત્રમાં ૧૦  ઓગસ્ટ ર૦૧૭ ના સુપ્રીમ કોર્ટના ફેસલાની વાત કરતા કહેવાયું છે કે આ કેસમાં સુપ્રીમ કોર્ટે જેનુ કાયદેસર પીયુસી ન હોય તેવા વાહનોની નવી પોલીસી અથવા જૂની પોલીસી રીન્યુ ન કરવા આદેશ આપ્યા હતા. એ વાત પણ યાદ દેવામાં આવી હતી કે બધા રજીસ્ટર્ડ વાહનોના વીમા માટે ફીટનેસ સર્ટીફીકેટ પણ જરૂરી છે. સાર્વજનીક માલ અને યાત્રી વાહનો માટે દર વરસે ફીટનેસ સર્ટીફીકેટ લેવાનું હોય છે જયારે ખાનગી વાહનોના ફીટનેસ સર્ટીફીકેટ સમયાંતરે લેવાના હોય છે. વીમા કંપનીઓ આ મામલે ઘણી ઢીલ ચલાવતી હોય છે. નવા વાહનોમાં તો ફીટનેસ સર્ટીફીકેટની જરૂર નથી પડતી પણ પોલીસી રીન્યુ કરતી વખતે વીમા કંપનીઓ પીયુસી અને ફીટનેસ સર્ટીફીકેટ ત્યારે જ માગે છે જયારે પોલીસીની મુદત પુરી થઇ ગઇ હોય. બીજી બાજુ ઇન્ડીયન ફાઉન્ડેશન  ઓફ ટ્રાન્સ્પોર્ટ રિસર્ચ એન્ડ ટ્રેનીંગના શ્રી એસ. પી. સિંહે કહ્યું કે પીયુસી અને ફીટનેસ સર્ટીફીકેટ પર જોર દેવું સારી બાબત છે. પણ જે રીતે રાજયોમાં ફીટનેસ સર્ટીફીકેટ અને શહેરોમાં પીયુસી આપવામાં આવે છે તે જોતાં ખાલી વિમા માટે તેને ફરજીયાત બનાવવાથી કોઇ ફેર પડે તેવું લાગતું નથી. મોટા ભાગના શહેરોમાં વાહનનું પ્રદુષણ માપવાના સાધનો જુના અને કામ ચલાઉ છે. તેનાથી ઉતસર્જનનું સાચું માપ નથી મળતું. ઘણી વખત તો આવા પ્રમાણ પત્રો ઘેર બેઠા મળી જતાં હોય છે. જયાં સુધી આનું આધુનીકરણ અને ડીજીટાઇઝેશન નહીં થાય ત્યાં સુધી આવા આદેશોના સાચા લાભ નહી મળે. (પ-૧ર)

(11:29 am IST)
  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • અમદાવાદ : ગુજરાત રાજ્યના ડીજીપીએ મીડિયાને બ્રિફિંગ કરવા બાબતે અધિકારીઓને કર્યો આદેશ : કમીશ્નરેટ વિસ્તારમાં નાયબ પોલીસ કમિશનર અને જિલ્લામાં નાયબ પોલીસ અધિકક્ષએ જ બ્રિફિંગ કરવા જણાવ્યું: બ્રિફિંગ કરતી વખતે ખાખી વર્દી પહેરવી ફરજીયાત : આ બાબતનું પાલન નહિ કરનાર સામે પગલાં લેવાશે access_time 1:33 pm IST

  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST