Gujarati News

Gujarati News

News of Wednesday, 5th May 2021

સેન્સેક્સમાં ૪૨૪, નિફ્ટીમાં ૧૨૧ પોઈન્ટનો ઊછાળો

રિઝર્વ બેંકની જાહેરાતથી બજારમાં તેજીનો માહોલ : સન ફાર્મામાં સૌથી વધુ ૫.૯૪ ટકા, કોટક બેંકમાં ૨.૪૨ ટકા અને એક્સિસ બેંકમાં ૨.૪૧. ટકાનો ઉછાળો રહ્યો

મુંબઈ, તા. ૫  : ભારતીય શેર બજારો બુધવારે નોંધપાત્ર વધારા સાથે બંધ થયા છે. બોમ્બે સ્ટોક એક્સચેંજ સેન્સેટીવ ઈન્ડેક્સ સેન્સેક્સ બુધવારે ૦.૮૮ ટકા અથવા ૪૨૪ પોઈન્ટ વધીને ૪૮,૬૭૭.૫૫ ની સપાટીએ બંધ રહ્યો છે. સેન્સેક્સ ૪૮,૫૬૯.૧૨ પોઇન્ટ ખુલ્યો હતો. ટ્રેડિંગ દરમિયાન તે મહત્તમ ૪૮,૭૪૨.૭૨ પોઇન્ટ અને ન્યૂનતમ ૪૮,૨૫૪.૩૨ પોઇન્ટ સુધી ગયો. બજાર બંધ થતાં સેન્સેક્સના ૩૦ માંથી ૨૭ શેરો લીલા નિશાન પર હતા અને ત્રણ શેરો લાલ નિશાન પર હતા.

સેન્સેક્સના શેરમાં સન ફાર્મામાં સૌથી વધુ ૫..૯૪ ટકા, કોટક બેંકમાં ૨.૪૨ ટકા, એક્સિસ બેક્નમાં ૨.૪૧. ટકા અને ઈન્ડસઇન્ડ બેક્નમાં ૨.૩૩ ટકાનો ઉછાળો રહ્યો છે. તે જ સમયે, એચયુએલ ૦.૫૭ ટકા, એશિયન પેઇન્ટમાં ૦.૭૯ ટકા અને બજાજ ફાઇનાન્સમાં ૧.૭૫ ટકાનો ઘટાડો થયો છે.

તે જ સમયે, નેશનલ સ્ટોક એક્સચેંજના ઇન્ડેક્સ નિફ્ટી બુધવારે ૦.૮૪ ટકા અથવા ૧૨૧.૩૫ પોઇન્ટના વધારા સાથે ૧૪,૬૧૭.૮૫ પર બંધ રહ્યો હતો. તે ૧૪,૬૦૪.૧૫ પર ખુલ્યો હતો. બજાર બંધ સમયે નિફ્ટીના ૪૪ શેરો લીલા નિશાન પર અને ૫ શેરો લાલ નિશાન પર કારોબાર કરતા જોવા મળ્યા હતા. નિફ્ટી શેરોમાં, સન ફાર્મામાં મહત્તમ ૫..૮૭ ટકા, યુપીએલમાં ૭.૭૭ ટકા અને ઈન્ડસઇન્ડ બેંકમાં ૨.૨૨ ટકાનો વધારો થયો છે.

ક્ષેત્રીય સૂચકાંકોની વાત કરીએ તો નિફ્ટી રિયલ્ટી સિવાયના તમામ સૂચકાંકો બુધવારે લીલા નિશાન પર બંધ થયા છે. નિફ્ટી બેંકમાં ૧.૫૯ ટકા, નિફ્ટી ઓટોમાં ૦.૬૮ ટકા, નિફ્ટી ફાઇનાન્શિયલ સર્વિસીસમાં ૧.૦૧ ટકા, નિફ્ટી એફએમસીજીમાં ૦.૨૨ ટકા, નિફ્ટી આઈટીમાં ૧.૧૭ ટકા, નિફ્ટી મેટલમાં ૦.૯૯ ટકા, નિફ્ટી ફાર્મામાં ૪.૧૨ ટકા પીએસયુ બેંકમાં ૧.૪૭ ટકા, નિફ્ટી પ્રાઈવેટ બેંકમાં ૧.૫૫ ટકાનો ઉછાળો રહ્યો છે. તે જ સમયે, નિફ્ટી રિયલ્ટીમાં ૧ ટકાનો ઘટાડો થયો છે.

(9:10 pm IST)
  • રાજકોટમાં સતત બીજા દિવસે પવનના જોર વચ્ચે ગરમીમાં આંશિક ઘટાડો : રાજકોટ શહેરમાં બપોરે ૪૦.૪ ડીગ્રીઃ ૧૪ કિ.મી.ની ઝડપે પવન ફૂંકાય છેઃ સાંજ સુધીમાં ૪૧ ડીગ્રી આસપાસ તાપમાન નોંધાય તેવી સંભાવના access_time 3:47 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • ત્રણ લોકસભા અને આઠ વિધાનસભાની પેટાચૂંટણીઓ મુલતવી રહી કોરોના મહામારીની બીજી લહેરને કારણે ચૂંટણી પંચે દાદરા નગર હવેલી સહિત ત્રણ લોકસભાની અને આઠ વિધાનસભાની પેટાચૂંટણીઓ હાલ પૂરતી મુલતવી રાખેલ હોવાનું જાહેર કરેલ છે. access_time 9:36 pm IST