Gujarati News

Gujarati News

News of Wednesday, 5th May 2021

દેશના ૮૦ કરોડ ગરીબોને મે અને જુનમાં મળશે વિનામૂલ્યે રાશન

મોદી કેબીનેટે લીધો નિર્ણયઃ પ્રતિ વ્યકિતને પ કિલો વિનામૂલ્યે મળશે અનાજ

નવી દિલ્હી તા.પ : કોરોનાની બીજી લહેર કહેરનો સામનો કરી રહેલા દેશના ગરીબોને કેન્દ્ર સરકારે મોટી રાહત આપી છે. સરકારે દેશના ૮૦ કરોડ ગરીબોને મે અને જુન મહિનામાં પ્રતિ વ્યકિત પાંચ કિલો રાશન વિના મૂલ્યે આપવાનું એલાન કર્યુ છે.

આજે યોજાયેલી કેન્દ્રીય કેબીનેટે રાષ્ટ્રીય ખાદ્ય સુરક્ષા અધિનિયમ હેઠળ ૭૯.૮૮ કરોડ ગરીબોને આ સુવિધા આપવાનો નિર્ણય લીધો છે. રાજયોને આ સ્કીમ હેઠળ કેટલા ઘઉં અને કેટલા ચોખા ફાળવવા તે અંગે ખાદ્ય વિતરણ વિભાગ તરફથી નિર્ણય લેવાશે. એક અનુમાન અનુસાર મે અને જુનમાં કેન્દ્ર તરફથી દેશભરમાં ૮૦ લાખ મેટ્રીકટન રાશનનું વિતરણ થઇ શકે છે.

(3:02 pm IST)
  • ત્રણ લોકસભા અને આઠ વિધાનસભાની પેટાચૂંટણીઓ મુલતવી રહી કોરોના મહામારીની બીજી લહેરને કારણે ચૂંટણી પંચે દાદરા નગર હવેલી સહિત ત્રણ લોકસભાની અને આઠ વિધાનસભાની પેટાચૂંટણીઓ હાલ પૂરતી મુલતવી રાખેલ હોવાનું જાહેર કરેલ છે. access_time 9:36 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • તામિલનાડુમાં પણ કોરોના હાહાકાર મચાવે છે: તામિલનાડુમાં પણ ૨૩૩૪૮ નવા કેસ થયા ૨૦૦૬૨ સાજા થયા અને ૧૬૭ મૃત્યુ થયા છે. access_time 9:34 pm IST