Gujarati News

Gujarati News

News of Tuesday, 4th May 2021

નાસિકમાં રહસ્યમય બિમારીઃ છાતીમાં દર્દ બાદ ૫ લોકોના મોતથી ખળભળાટ

હજુ કોરોના શાંત પડયો નથી ત્યાં નવી બિમારી?

નાસિક, તા.૪: મહારાષ્ટ્રના નાસિક શહેરમાં ચક્કર આવીને પડ્યા બાદ ૧૧ લોકોના મોત થયા હોવાના સમાચાર થોડાક દિવસ પહેલા આવ્યા હતા. આ રહસ્યમયી બીમારીના કારણે શહેરના તમામ ડોકટરો ચિંતિત હતા. હવે શહેરમાં એક નવી બીમારીથી ૫ લોકોના મોત થયા છે. શહેરના અલગ વિસ્તારોમાં ૫ લોકોના છાતીમાં દુઃખાવાની ફરિયાદ બાદ મોત થયા છે. કોરોના મહામારીની વચ્ચે નાસિકમાં આ બીમારીથી થનારા મોતની ચર્ચા છે.

૨૦ એપ્રિલના ચક્કર ખાઈને બેભાન થવાથી એક જ દિવસમાં ૧૧ લોકોના મોત થયા હતા. આ પહેલાના અઠવાડિયામાં પણ ૧૩ લોકોના આ પ્રકારે મોત થયા હતા. ૧૫ એપ્રિલના પણ ૯ લોકોના પણ આ અદ્રશ્ય બીમારીના કારણે મોત થયા હતા. બે અઠવાડિયામાં ૨૪ લોકોના જીવ ગયા હતા. ખાસ વાત એ હતી કે આ બીમારીનો શિકાર યુવા પણ થઈ રહ્યા હતા. આ બીમારીના કારણે કોઈનું રસ્તામાં ચાલતા મોત થયું હતુ તો કોઈનું ઘર પર ચક્કર આવવાના કારણે મોત થયું હતુ. નાસિકની આ રહસ્યમયી બીમારીનું મૂળ કારણ ડોકટરોને પણ સમજમાં નથી આવી રહ્યું. શરૂઆતના લક્ષણોને જોતા ડોકટરોએ આને હીટ સ્ટ્રોકના કારણે મોત થયું હોવાનું ગણાવ્યું હતુ. જો કે આ મોતોની પાછળ અસલી કારણ હજુ સુધી જાણી શકાયું નથી. ડોકટરોએ ત્યારે નાગરિકોને એ અપીલ કરી હતી કે તેઓ ચક્કર આવવાની ઘટનાને હળવાશમાં ના લે. સાથે જ દ્યરેથી બહાર નીકળવાના સમયે સંપૂર્ણ ધ્યાન રાખે.

(4:14 pm IST)
  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • બંગાળના CM બન્યા બાદ તરત મમતા બેનર્જીની કોરોના પર મોટી બેઠક : લાગુ પાડ્યાં નવા પ્રતિબંધો : આવતીકાલથી લોકલ ટ્રેન બંધ રાખવાનો નિર્ણય : શોપિંગ કોમ્પલેક્સ, જિમ, સિનેમા હોલ, બ્યુર પાર્લર, પૂલ બંધ access_time 11:53 pm IST

  • મહારાષ્ટ્રના મુખ્યમંત્રી ઉદ્ધવ ઠાકરે આજે રાત્રે 8.30 કલાકે ફરી રાજ્યને સંબોધન કરશે. (ન્યૂઝફર્સ્ટ) access_time 7:41 pm IST