Gujarati News

Gujarati News

News of Tuesday, 4th May 2021

આવતા બે-ત્રણ મહિના સુધી વેકસીનનું સંકટ રહેશે

જુલાઈ બાદ સ્થિતિ સામાન્ય બનવાની શકયતા છેઃ પુનાવાલા

નવી દિલ્હી, તા. ૪ :. સીરમ ઈન્સ્ટી.ના વડા અદાર પુનાવાલાએ કહ્યુ છે કે ભારતમાં આવતા બે-ત્રણ મહિના સુધી વેકસીનનું સંકટ રહેશે. તેમણે કહ્યુ છે કે એક મહિનામાં રસીના ૧૦ કરોડ ડોઝનું ઉત્પાદન જુલાઈથી સંભવ છે. અત્યારે ૧ મહિનામાં સરેરાશ ૬ થી ૭ કરોડ ડોઝ બની રહ્યા છે.

લંડનમાં ચાલ્યા ગયેલા પુનાવાલાએ કહ્યુ છે કે સરકાર તરફથી રસીનો ઓર્ડર નહિ મળતા ઉત્પાદન વધારવામાં આવી રહ્યુ નથી. તેમણે ચેતવણી આપી હતી કે જુલાઈ સુધી રસીનું સંકટ રહેશે. તેમણે કહ્યુ છે કે જવાબદારોએ એ નહોતુ વિચાર્યુ કે બીજી લહેરની સૌથી વધુ અસર ભારત પર પડશે.

તેમણે કહ્યુ હતુ કે રસીના ૧૦૦ કરોડ ડોઝના ઓર્ડર બાદ કોઈપણ નવો ઓર્ડર મળ્યો નથી. તેમણે કહ્યુ હતુ કે ગયા મહિને સરકારે રસીનું ઉત્પાદન વધારવા અને એડવાન્સમાં ઓર્ડર માટે ૩૦૦૦ કરોડ રૂપિયા આપ્યા હતા. અમે કામ શરૂ કર્યુ પરંતુ આટલા મોટા પ્રમાણમાં રસીનું ઉત્પાદન સંભવ નથી. સરકાર તરફથી માર્ચ બાદ કોઈ ઓર્ડર આપવામાં આવ્યો નહોતો.

(11:56 am IST)
  • દક્ષિણના રાજ્યોમાં આજે પ્રિમોન્સુન વરસાદ પડવાની સંભાવના આજે કર્ણાટક, દક્ષિણ કોંકણ અને કેરળમાં ગાજવીજ સાથે વરસાદ પડવાની સંભાવના છે, બેંગલુરુ, મૈસુરૂ, મદુરાઈ અને સાલેમ નજીક પણ વરસાદ પડવાની સંભાવના જાણીતા વેધર વોચર કેન્નીએ તેમના ટ્વિટર હેન્ડલ પર દર્શાવી છે access_time 10:53 am IST

  • કોરોનાના વધતા કેસને લઇને કેન્દ્રીય ચૂંટણીપંચનો નિર્ણય : 3 લોકસભા અને 8 વિધાનસભાની બેઠકો પર થનારી પેટાચૂંટણી મોકૂફ access_time 11:27 pm IST

  • મહારાષ્ટ્રમાં કોરોના ધીમે ધીમે શાંત પડી ગયો છે, ૨૪ કલાકમાં નવા ૫૧ હજાર કેસ નોંધાયા કર્ણાટકમાં મોટો વિસ્ફોટ ૪૪ હજાર નવા કેસ: કેરળમાં ૩૭ હજાર: યુપીમાં ૨૫ હજાર: તામિલનાડુમાં ૨૧ હજાર: બેંગ્લોર ૨૦ હજાર: આંધ્ર ૨૦ હજાર: દિલ્હી ૨૦ હજાર: પશ્ચિમ બંગાળ ૧૭ હજાર: રાજસ્થાન ૧૬ હજાર: છત્તીસગઢ ૧૫ હજાર: બિહાર ૧૪ હજાર: હરિયાણા ૧૪ હજાર: ગુજરાત ૧૩ હજાર: અને મધ્યપ્રદેશમાં ૧૨ હજારથી વધુ નવા કોરોના કેસ નોંધાયા: મહારાષ્ટ્રના પૂણેમાં ૮ હજાર: મુંબઈમાં ૨૫૦૦, જ્યારે અમદાવાદમાં ૪૬૯૩, સુરત ૧૨૧૪, રાજકોટ ૫૯૩ અને વડોદરા ૫૬૩ નવા કેસ સવાર સુધીમાં નોંધાયા છે access_time 10:51 am IST