Gujarati News

Gujarati News

News of Saturday, 5th May 2018

ટૂથ પેસ્ટ, શેમ્પુ, શેવિંગ ક્રિમ, કપડા, વોટર બોટલ, બાળકોના રમકડામાં ખતરનાક કેમિકલ્સ મળી આવતા ચિંતા

નવી દિલ્હીઃ રોજ ઉપયોગ કરવામાં આવતા આ ઉત્પાદનો શરીર માટે નુકસાન કારણ છે. તેની અંદર રહેલા ખતરનાક કેમિકલ ટ્રાઈક્લોસન ધીમે સ્વાસ્થ્ય ખરાબ કરે છે. ટોક્સિક લિંકના એક રિપોર્ટ મુજબ આ દાવો કરવામાં આવ્યો છે. ટોક્સિક લિંકે દિલ્હી એનસીઆરમાં રોજબરોજ ઉપયોગમાં આવતી વસ્તુઓ પર સર્વે કરી આ રિપોર્ટ તૈયાર કર્યો છે. રિપોર્ટ અનુસાર ટૂથપેસ્ટ, હેયર કંડિશનર, શેમ્પૂ, શેવિંગ ક્રિમ, ડિઓ, જૂતા, કપડા, કેપ્સૂલ, વોટર બોટલ અને બાળકોના રમકડાઓમાં આ કેમિકલ મળી આવ્યા હોવાનું રિપોર્ટમાં નોંધ્યું છે.

ટ્રાઈક્લોસન નામનું આ ખતરનાક કેમિકલ આપણા માથામાં પહોંચી ફેફસા અને આતંરડાને નુકસાન પહોંચાડે છે સાથે કેન્સર સુધીનું કારણ બની શકે છે. રિપોર્ટમાં કેટલીક બ્રાન્ડની પાણીની બોટલના સેમ્પલ પણ લેવામાં આવ્યા હતા. જેમાં એક લીટર પાણીમાં એવરેજ 325 પ્લાસ્ટિકના કણો મળી આવ્યા. આવી જ રીતે પ્લાસ્ટિકના લંચ બોક્સમાં ગરમ ખાવાનું રાખવાથી પણ નુકસાન થઈ શકે છે. રિપોર્ટ અનુસાર રોડ પર ગાડી ચાલવાથી ટાયરના ઘર્ષણથી માઈક્રોપ્લાસ્ટિકના કણ હવામાં આવે છે. અને શ્વાસ દ્વારા શરીરમાં દાખલ થાય છે.

ટોક્સિક લિંકના ચીફ પ્રોગ્રામ કો ઓર્ડિનેટર પ્રીતિ મહેશએ કહ્યું કે કેમિકલ સ્વાસ્થ્ય માટે તેમજ પર્યાવરણ બંનેને નુકસાન પહોંચાડે છે. આ દિશામાં કોઈ સ્ટડી કરવામાં આવતી નથી અને તેના ઉપયોગને નિયંત્રણ માટેના કોઈ માપદંડો પણ નક્કી કરવામાં આવ્યા નથી.

(5:30 pm IST)