Gujarati News

Gujarati News

News of Friday, 5th March 2021

મુકેશ અંબાણીના ઘર એન્ટીલિયાની બહાર મળેલી શંકાસ્પદ સ્કોર્પિયો કારના માલિકનો મૃતદેહ મળ્યો

ગુજરાતી કાર માલિકે કલાવા ક્રીકમાં કુદીને આત્મહત્યા કરી

મુંબઇમાં બિઝનેસમેન મુકેશ અંબાણીના આલીશાન ઘર એન્ટીલિયાની બહાર મળેલી શંકાસ્પદ સ્કોર્પિયો કારના માલિક મનસુખ હિરેનનો મૃતદેહ મળ્યો છે, ગુજરાતી કાર માલિકે કલાવા ક્રીકમાં કુદીને આત્મહત્યા કરી છે.

બનાવની જાણ થતા જ નૌપાડા પોલીસ ઘટનાસ્થળે પહોચી હતી અને આ ઘટનાની તપાસ કરી રહી છે. પોલીસનું કહેવુ છે કે આ કેસ આત્મહત્યા જેવો લાગી રહ્યો છે. જોકે, ઘટનાની તપાસ ચાલી રહી છે.

હિરેન મનસુખ તે વ્યક્તિ હતો, જેની સ્કોર્પિયો કારનો ઉપયોગ બિઝનેસમેન મુકેશ અંબાણીના ઘરની પાસે જિલેટિન લઇ જવા માટે કરવામાં આવ્યો હતો, તે કારમાં ધમકી ભરેલો પત્ર અને કેટલાહ વાહનોની નંબર પ્લેટ પણ મળી હતી.

કારમાંથી જિલેટીનની 20 લાકડી જપ્ત થઇ હતી, જેનો ઉપયોગ વિસ્ફોટ માટે કરવામાં આવે છે. સાથે જ એક પત્ર મળ્યો હતો જેમાં કહેવામાં આવ્યુ હતું કે આ માત્ર ટ્રેલર છે, નીતા ભાભી, મુકેશ ભઇના પરિવાર આ તો એક ઝલક છે. આવતી વખતે આ સામાન પુરી થઇને તમારી પાસે આવશે અને પુરી વ્યવસ્થા થઇ ગઇ છે.

તપાસ અધિકારીઓએ ખુલાસો કર્યો કે તે દિવસે રાત્રે 1 વાગ્યાની નજીક સ્કોર્પિયો કાર ત્યા ઉભી કરવામાં આવી હતી. ત્યા બે વાહન જોવા મળ્યા હતા, જેમાં સ્કોર્પિયો કાર સિવાય એક ઇનોવા પણ મળી હતી. સ્કોર્પિયો કારનો ડ્રાઇવર તેને ત્યા મુકીને જતો રહ્યો હતો. શંકાસ્પદ કારની સૂચના અંબાણીના ઘરની સુરક્ષામાં તૈનાત કર્મીઓએ સ્થાનિક પોલીસને આપી હતી.

(8:40 pm IST)
  • વડાપ્રધાન નરેન્‍દ્રભાઇ મોદીને કેમ્‍બ્રિજ એનર્જી રિસર્ચ એસોસિએટ્‍સ વીક (સેરાવી)નો મહત્‍વપૂર્વ એવોર્ડ એનાયત કરાશે : પીએમ મોદીને આજે ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડથી નવાજવામાં આવશેઃ ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડ ૨૦૧૬માં શરૂ કરવામાં આવ્‍યો હતો : વૈશ્વિક ઉર્જા અને પર્યાવરણના ક્ષેત્રમાં પ્રતિબધ્‍ધ નેતૃત્‍વ માત્ર આ એવોર્ડ આપવામાં આવે છે. access_time 11:14 am IST

  • હાર્દિકને ગુજરાત બહાર જવાની છુટ : કોંગ્રેસના કાર્યકારી પ્રમુખ હાર્દિક પટેલની અરજી ઉપર હાઈકોર્ટે તેને ગુજરાત રાજય બહાર જવાની મંજુરી આપી છેઃ રાજકીય કામકાજ અંગે રાજયની બહાર જવાની પરવાનગી આપવામાં આવી હતી access_time 4:40 pm IST

  • સ્વાતિ મોહને સ્ટાર ટ્રેકનો પ્રથમ એપિસોડ જોયો અને નાસા તરફનું પ્રયાણ શરૂ થયું :ભારતીય મૂળની અમેરિકન એરોસ્પેસ એન્જિનિયર સ્વાતિ મોહન, કે જેમણે મંગળની ધરતી ઉપર નાસાનું પ્રિઝર્વન્સ રોવર યાનના સફળ ઉતરાણમાં મહત્વનો ભાગ ભજવ્યો હતો, તેણે અમેરિકી પ્રમુખ જો બાયડનને કહ્યું હતું કે પોતે બાળક હતી ત્યારે સ્ટાર ટ્રેકનો પ્રથમ એપિસોડ જોયો હતો, ત્યારથી અમેરિકન સ્પેસ એજન્સી માટેનું તેનું પ્રયાણ શરૂ થઇ ગયેલ... access_time 4:39 pm IST