Gujarati News

Gujarati News

News of Friday, 5th March 2021

મોંઘવારી સામે લોકોએ અવાજ ઊઠાવવો પડશે

કેન્દ્ર પર મોંઘવારીના મુદ્દે રાહુલા ગાંધીના પ્રહાર :મોંઘવારી એક અભિશાપ છે, કેન્દ્ર સરકાર માત્ર ટેક્સની રકમ મેળવવા લોકોને મોંઘવારીના ખપ્પરમાં ધકેલે છે

નવી દિલ્હી, તા.૫ : કોંગ્રેસના પૂર્વ અધ્યક્ષ અને સાંસદ રાહુલ ગાંધીએ મોંઘવારીના મુદ્દે કેન્દ્ર સરકારને ભીંસમાં લીધી છે અને સોશિયલ મીડિયા પર તેની સામે અવાજ ઉઠાવવા માટે અભિયાન શરુ કર્યુ છે.

દેશમાં પેટ્રોલ ડિઝલના ભાવ વધવાની સાથે સાથે તમામ વસ્તુઓના ભાવ વધી રહ્યા છે. કોરોનાના કારણે આર્થિક મંદી અને બીજી તરફ મોંઘવારીની વચ્ચે લોકો પિસાઈ રહ્યા છે ત્યારે રાહુલ ગાંધીએ કહ્યુ હતુ કે, લોકોએ હવે ભેગા મળીને મોંઘવારી સામે અવાજ ઉઠાવવાની જરુર છે.

રાહુલ ગાંધીએ કહ્યુ હતુ કે, મોંઘવારી એક અભિશાપ છે. કેન્દ્ર સરકાર માત્ર ટેક્સની રકમ મેળવવા માટે લોકોને મોંઘવારીના કળણમાં ધકેલી રહી છે. દેશ વિનાશ તરફ આગળ વધી રહ્યો છે ત્યારે લોકોએ તેની સામે અવાજ ઉઠાવવો જરુરી છે.

રાહુલ ગાંધીએ આ અભિયાન શરુ કર્યા બાદ કોંગ્રેસના નેતા શશિ થરુરે કહ્યુ હતુ કે, મોદી સરકારે જે પણ પગલા ભર્યા છે તેના કારણે સરવાળે લોકોના ખિસ્સા ખાલી થયા છે પણ હવે લોકો સહન નહીં કરે અને અવાજ ઉઠાવશે.

 કોંગ્રેસના બીજા નેતાઓ પણ આ મુદ્દે હવે પોતાના પ્રત્યાઘાત આપી રહ્યા છે.

(7:43 pm IST)
  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • અમે ટ્રેક્ટરમાં પંખા ફિટ કર્યા છે જે ઉનાળાને ધ્યાનમાં રાખીને આવતીકાલે અમૃતસરથી દિલ્હી જવા રવાના થશે અને મચ્છરોને દૂર રાખવા અને વેન્ટિલેશન સુનિશ્ચિત કરવા માટે જાળીઓ પણ મૂકી છે. સરકાર ખેતીના નવા કાયદા પાછા નહીં લે ત્યાં સુધી અમે અમારો સંઘર્ષ ચાલુ રાખીશું - એસ.એસ.પંધર, કિસાન મજૂર સંઘર્ષ સમિતિના રાજ્ય સેક્રેટરી access_time 9:23 pm IST