Gujarati News

Gujarati News

News of Friday, 5th March 2021

એસસી / એસટી તથા ઓબીસીની બેઠકો કુલ બેઠકોના 50 ટકાથી વધુ ન હોવી જોઈએ : મહારાષ્ટ્રના પાંચ જિલ્લાઓમાં ડિસેમ્બર 2019 અને જાન્યુઆરી 2020 માં યોજાયેલી ઓબીસી અનામત બેઠકોની ચૂંટણી રદ કરતો સુપ્રીમ કોર્ટની ખંડપીઠનો અભૂતપૂર્વ ચુકાદો

ન્યુદિલ્હી : સુપ્રીમ કોર્ટે આજ ગુરુવારે ચુકાદો આપ્યો હતો કે સ્થાનિક સંસ્થાઓમાં અનુસૂચિત જાતિના / અનુસૂચિત જનજાતિ (એસસી / એસટી) અને અન્ય પછાત જાતિઓ (ઓબીસી) ની તરફેણની  બેઠકો કુલ બેઠકોના 50 ટકાથી વધુ ન હોવી જોઈએ વિકાસ કિશનરાવ ગવલીના કેસ મામલે નામદાર કોર્ટએ ઉપરોક્ત ચુકાદો આપ્યો હતો.

 ન્યાયાધીશ એ.એમ.ખાનવીલકર, ઈન્દુ મલ્હોત્રા અને અજય રસ્તોગીની  ત્રણ ન્યાયાધીશની ખંડપીઠે  મહારાષ્ટ્ર જિલ્લા પરિષદો અને પંચાયત સમિતિ અધિનિયમ, એક્ટ 1961 ની કલમ ૧૨ (૨) (સી) વાંચી હતી, જેમાં રાજ્યને ઓબીસી માટે 27 ટકા અનામત આપવી જોઇએ તેવું દર્શાવ્યું છે.પરંતુ તે કુલ અનામતના 50 ટકાની મર્યાદામાં જ લાગુ પાડી શકાય તેવી સ્પષ્ટતા કરી હતી.

પરિણામે, કોર્ટે મહારાષ્ટ્રના પાંચ જિલ્લાઓમાં ડિસેમ્બર 2019 અને જાન્યુઆરી 2020 માં યોજાયેલી સંબંધિત સ્થાનિક સંસ્થાઓમાં અનામત ઓબીસી બેઠકો સામે ઉમેદવારોની ચૂંટણીને પણ રદ કરી હતી અને નવી ચૂંટણીઓનો આદેશ આપ્યો હતો.તેવું બી.એન્ડ બી.દ્વારા જાણવા મળે છે.

(12:00 am IST)
  • રાજ્યોમાં દેશના ૮૪% નવા કોરોના કેસ નોંધાયા : ફરી ભયજનક સ્થિતિ સર્જાતી જાય છે : મહારાષ્ટ્ર, પંજાબ, હરિયાણા, ગુજરાત, મધ્ય પ્રદેશ તથા દિલ્હીમાં સૌથી વધુ નવા કોરોના કેસ રોજ નોંધાતા જાય છે. છેલ્લા ૨૪ કલાકમાં દેશમાં નોંધાયેલા કુલ કોરોના કેસમાં ૮૪.૪૪ ટકા નવા કોરોના કેસ આ છ રાજ્યોમાં નોંધાયા છે. કેન્દ્રની મોદી સરકારની સત્તાવાર જાહેરાત. access_time 4:38 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • હેરંબા ઇન્ડ.નું બમ્પર લીસ્ટીંગ : ૧ લોટ પર રૂ. ૬ર૮૦નો ફાયદો :મુંબઇ : કેમીકલ કંપની હેરંબા ઇન્ડ. નું બમ્પર લીસ્ટીંગ : ઇસ્યુ પ્રાઇઝના ૪૩.પ૯ ટકા પ્રીમીયમે લીસ્ટીંગ : શેર ૯૦૦ ના ભાવે લીસ્ટ થયો : નિવેશકોને પ્રતિ લોટ રૂ. ૬ર૭૯ નો ફાયદો : ઇસ્યુ પ્રાઇઝ ૬ર૬-૬ર૭ રૂ. હતી. access_time 12:55 pm IST