Gujarati News

સિંગાપોર, તા.૪ : સમગ્ર દુનિયામાં કોરોનાના નવા વેરિઅન્ટ ઓમિક્રોનને લઈને ભયનો માહોલ સર્જાયો છે. આ વચ્ચે સિંગાપોરથી રાહતના સમાચાર આવ્યા છે. રિપોર્ટ અનુસાર, સિંગાપોરનુ કહેવુ છે કે વર્તમાનમાં કોઈ એવા પુરાવા નથી, જેનાથી એ કહી શકાય કે ઓમિક્રોન અન્ય વેરિઅન્ટની તુલનામાં અલગ અથવા વધારે ગંભીર છે તેમજ એ પણ ન કહી શકાય કે કોરોનાની રસી આના પર અપ્રભાવી હશે.

સિંગાપોરના સ્વાસ્થ્ય મંત્રાલયે કહ્યુ કે ઓમિક્રોન સંસ્કરણથી સંક્રમિત વધુ બે લોકોએ સિંગાપોરથી મલેશિયા અને ઓસ્ટ્રેલિયાની મુસાફરી કરી છે. ઓમિક્રોન પર વધારે ડેટા અને આગળના અધ્યયનની જરૂર છે.

સિંગાપોરના ચાંગી એરપોર્ટના માધ્યમથી પ્રસારિત થનારા ઓમિક્રોન વેરિઅન્ટ પર મંત્રાલયે કહ્યુ કે પહેલો કેસ ૨૭ નવેમ્બરે સિંગાપોર એરલાઈન્સની ઉડાનમાં જોહાનિસબર્ગથી આવ્યો હતો અને તે દિવસે પોતાની ટ્રાન્ઝિટ ઉડાન માટે અહીં પહોંચ્યો. જે બાદ મુસાફરે ૨૮ નવેમ્બરે આવનારી સિંગાપોર એરલાઈન્સની એક અન્ય ફ્લાઈટથી સિડનીની યાત્રા કરી. ઓસ્ટ્રેલિયામાં ન્યૂ સાઉથ વેલ્સ સ્વાસ્થ્ય મંત્રાલયે શુક્રવારે પુષ્ટિ કરી છે કે તે મુસાફર સંક્રમિત હતા.

એમઓએચે કહ્યુ કે દક્ષિણ આફ્રિકા છોડ્યા પહેલા ૨૪ નવેમ્બરે તે વ્યક્તિનો કોરોના રિપોર્ટ નેગેટિવ આવ્યો હતો અને તે સિડની માટે પ્રસ્થાન કરવા સુધી ચાંગી એરપોર્ટ પર ટ્રાન્ઝિટ હોલ્ડિંગ ક્ષેત્રમાં રહ્યા હતા.

બીજા યાત્રી ૧૯ નવેમ્બરે જોહાનિસબર્ગથી સિંગાપોર એરલાઈન્સની ફ્લાઈટના માધ્યમથી પહોંચ્યા અને તે દિવસે મલેશિયા જવા સુધી ટ્રાન્ઝિટ હોલ્ડિંગ ક્ષેત્રમાં હતા. આ મામલે મલેશિયામાં પહેલા ઓમિક્રોન મામલાના રૂપમાં રિપોર્ટ કરવામાં આવ્યા હતા. અગાઉ શુક્રવારે એક બ્રીફિંગમાં, મલેશિયાઈ સ્વાસ્થ્ય મંત્રી ખૈરી જમાલુદ્દીને કહ્યુ કે મુસાફર ૧૯ વર્ષીય મહિલા હતા, જે ઉત્તરીય દ્વીપકલ્પ મલેશિયાના પેરાક રાજ્યના ઈપોહમાં એક પ્રાઈવેટ યુનિવર્સિટીમાં વિદ્યાર્થિની છે અને તેમણે પોતાનુ કોવિડ-૧૯ રસીકરણ પૂરુ કરી લીધુ હતુ.