Gujarati News

Gujarati News

News of Friday, 4th December 2020

કૃષિ ધારાનો વિરોધ કરી રહેલા ખેડૂતોને તાત્કાલિક હટાવો : શહેરની બોર્ડર તથા રસ્તાઓ ચક્કાજામ થઇ જતા હોવાથી આવશ્યક સેવાઓની હેરફેર કરવામાં મુશ્કેલી : દર્દીઓને હોસ્પિટલે પહોંચવામાં અવરોધ : કોરોના વાઇરસ ફેલાવાનો ડર : સુપ્રીમ કોર્ટમાં જાહેર હિતની અરજી

ન્યુદિલ્હી : કેન્દ્ર સરકારે પસાર કરાવેલો  કૃષિ ધારો ખેડૂતોને નુકશાન કરનારો છે.તે પાછો ખેંચવો જોઈએ તેવી માંગણી સાથે પંજાબ સહિતના રાજ્યોના હજારો ખેડૂતો દિલ્હી પહોંચી ગયા છે.તથા આ ધારો પાછો ખેંચવા માટે છેલ્લા 9 દિવસ જેટલા સમયથી દેખાવો કરી રહ્યા છે.તેમની સાથે સરકારે કરેલી મંત્રણા પણ નિષ્ફ્ળ નીવડી છે.

આ સંજોગોમાં ખેડૂતો દ્વારા થઇ રહેલા દેખાવોને કારણે શહેરની બોર્ડર તથા રસ્તાઓ ચક્કા જામ થઇ ગયા હોવાથી આવશ્યક સેવાઓની હેરફેર કરવામાં મુશ્કેલી પડી રહી છે. દર્દીઓને હોસ્પિટલે પહોંચવામાં અવરોધ ઉભો થઇ રહ્યો છે.તેમજ વર્તમાન કોરોના રોગચાળાને કારણે આંદોલનમાં ભેગા થયેલા હજારો લોકોને કારણે કોરોનાનો  ફેલાવો વધવાની ભીતિ છે.જે બાબત સમગ્ર દેશ માટે ખતરનાક પુરવાર થઇ શકે છે.

ઉપરોક્ત કારણોસર સુપ્રીમ કોર્ટમાં  એડવોકેટ ઓમપ્રકાશ  પરિહરે જાહેર હિતની પિટિશન દાખલ કરી છે.તેવું બી.એન્ડ બી.દ્વારા જાણવા મળે છે. 

(5:50 pm IST)
  • દિલ્હીમાં સીબીઆઈના દરોડા:દિલ્હીમાં જય પોલીકેમ ઇન્ડિયા લિમિટેડ કંપની ઉપર સીબીઆઈએ મોટાપાયે દરોડા પાડ્યા છે. access_time 11:57 pm IST

  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : સત્તાધારી પાર્ટી TRS નો 44 બેઠકો ઉપર વિજય : ઓવૈસીની AIMIM પાર્ટીએ 39 બેઠકો કબ્જે કરી : 32 બેઠકો ઉપર ભગવો લહેરાયો : સાંજે 6:30 વાગ્યા સુધીના પરિણામ : કુલ બેઠક 150 : મત ગણતરી ચાલુ : 2016 ની સાલમાં સત્તાધારી પાર્ટી TRS ને 99 તથા ઓવૈસીની પાર્ટીને 44 બેઠકો મળી હતી : ભાજપે 4 બેઠકો ઉપર વિજય મેળવ્યો હતો access_time 7:15 pm IST

  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST