Gujarati News

Gujarati News

News of Friday, 4th December 2020

કોરોના વેકસીન

૨૦૨૧ના પહેલા ત્રિમાસીક સુધીમાં ઉપલબ્ધ થશે મોડર્નાના ૧૦ કરોડ ડોઝ

નવી દિલ્હી તા. ૪ : કોરોનાનો કહેર આખી દુનિયા પર છવાયેલો છે અને નિષ્ણાંતોનું કહેવું છે કે જ્યાં સુધી રસી બનીને નહીં આવે ત્યાં સુધી આ વાયરસથી છૂટકારો નહીં મળે. દુનિયાભર કોરોનાની રસી પર કામ ચાલી રહ્યું છે. આ દરમિયાન અમેરિકામાં તૈયાર થઇ રહેલ મોડર્નાની રસી બાબતે કહેવામાં આવ્યુ઼ છે કે તે ૨૦૨૧ના પહેલા ત્રિમાસીકમાં વૈશ્વિક સ્તરે ૧૦ થી ૧૨.૫ કરોડ ડોઝ ઉપલબ્ધ થવાની આશા છે. સમાચાર એજન્સી રોયટરે આ માહિતી આપી છે.

થોડા સમય પહેલા જ જણાવાયું હતું કે, મોડર્નાની રસીમાં ૯૪ ટકા એફીસીયન્સી છે, જે શરીરમાં એન્ટી બોડીના ઉત્પાદન માટે પ્રેરીત કરે છે અને તે ત્રણ મહીના સુધી ચાલે છે. ફાઇઝર ઇન અને મોડર્નાની કોવિડ-૧૯ રસી આગામી દિવસોમાં સૌથી વધારે સંભવિત આપાતકાલિન ઉપયોગ માટે વપરાશે. મોડર્નાની ટ્રાયલની સફળતાઓએ આશા જગાવી છે કે જલ્દી એક કોરોના રસી આવી જશે. રસીની અસરકારકતા અલગ અલગ ઉમર અને જાતીને અનુરૂપ જોવા મળી છે.

ભારતમાં કોરોના રસીની વાત કરીએ તો કેન્દ્રીય આરોગ્ય પ્રધાન ડો. હર્ષવર્ધને સોમવારે જ્યારે વેકસીન અંગે સવાલ પૂછાયો તો જણાવ્યું હતું કે, આગામી ૩-૪ મહીનામાં એ વાતની પુરી શકયતા છે કે આપણી પાસે રસી ઉપલબ્ધ થઇ જશે અને લોકોને તે લગાવવાનું પણ શરૂ કરી દેશું.

(1:02 pm IST)
  • દેશમાં કોરોનાથી સ્વસ્થ થનારની સંખ્યા 90 લાખને પાર પહોંચી : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 વાગ્યા સુધીમાં કોરોનાના નવા 29,331 કેસ નોંધાયા:કુલ કેસની સંખ્યા 95,64,565 થઇ :એક્ટીવ કેસ 4, 14,924 થયા : વધુ 35,536 દર્દીઓ સ્વસ્થ થતા કુલ 90,07,247 રિકવર થયા :વધુ 416 ના મોત સાથે કુલ મૃત્યુઆંક 1,39,102 થયો access_time 12:21 am IST

  • આગામી બજેટમાં સરકારી તિજોરી છલકાવવા માટે નવો રસ્તો શોધી કાઢ્યો? હવે ટેક્ષ ઉપર નવી 'સેસ' લાદવામાં આવે તેવી સંભાવના: ૧ ફેબ્રુઆરીએ આવી રહેલા આગામી કેન્દ્રીય બજેટમાં મોદી સરકાર સંભવતઃ ડાયરેકટ અને ઇનડાયરેકટ ટેકસ ઉપર, નવી સેસ લાદવા જઈ રહ્યાનું આધારભુત વર્તુળોમાંથી જાણવા મળે છે.. (ન્યૂઝફર્સ્ટ) access_time 11:15 am IST

  • ખેડૂત આંદોલને જોર પકડ્યું : આવતીકાલ શનિવારે મોદીનું પૂતળું બાળશું : રસ્તાઓ ઉપર ચક્કાજામ વધારી દઈશું : જો અમારી માંગણી નહીં સંતોષાય તો 8 તારીખે ભારત બંધ access_time 7:18 pm IST