Gujarati News

Gujarati News

News of Wednesday, 4th December 2019

રાનુ મંડલ પછી બે વર્ષની માસુમ બાળકીએ ગાયેલું લગ જા ગલે ,ગીતે સોશ્યલ મીડિયામાં મચાવી ધૂમ

પ્રજ્ઞા મેદ્યા નામની મનાતી બાળકી ગીતને ખુબ જ મધુર સ્વરમાં ગાઈ રહી છે

મુંબઈઃ પશ્વિમ બંગાળના રાનાદ્યાટ સ્ટેશન ઉપર લતા મંગેશકરના 'એક પ્યાર કા નગમા હે' ગીત ઉપર રાનુ મંડલનો વીડિયો વાયરલ થતા તે સ્ટાર બની ગયા હતા.રાનૂ મંડલના આ વીડિયોએ લાખો લોકોને પોતાની તરફ આકર્ષીત કર્યા હતા.

 આ વીડિયો બાદ હવે બે વર્ષની બાળકીનો વીડિયો સોશિયલ મીડિયા ઉપર ધૂમ મચાવી રહ્યો છે. આ વીડિયોમાં બાળકી લતા મંગેશકરના પ્રખ્યાત ગીત 'લગ જા ગલે' ગાતી દેખાય છે. આ બાળકીનું નામ પ્રજ્ઞા મેદ્યા હોવાનું માનવામાં આવે છે. આ બાળકીને આ ગીતને ખુબ જ મધુર સ્વરમાં ગાઈ રહી છે. ખૂબ જ સારા સુરમાં ગાતા દેખાઈ હતી.

  અત્રે ઉલ્લેખનીય છે કે, આ ગીત ૧૯૬૪માં રિલિઝ થયેલી ફિલ્મ 'વો કોન થી'નું છે. આ બાળકીના અલગ અલગ વીડિયો સોશિયલ મીડિયા પ્લેટફોર્મ ઉપર શેર કરવામાં આવી રહ્યા છે. એટલું જ નહીં સિંગર સ્ટારે પણ આ વીડિયોને શેર કર્યો છે. સોશિયલ મીડિયા ઉપર પ્રજ્ઞાના આ ગીતથી લોકો ખૂબ જ પ્રભાવિત થયા છે. સોશિય મીડિયા ઉપર આ વીડિયોને ખૂબ જ શેર કરવામાં આવી રહ્યો છે.

(3:40 pm IST)