Gujarati News

નવી દિલ્હી, તા.૪: હવે મોબાઇલ નંબર પોર્ટ કરવું સરળ થઈ જશે. ટેલિકોમ રેગ્યુલેટરી ઓથોરિટીએ મોબાઇલ નંબર પોર્ટેબિલિટીના નિયમો જાહેર કર્યા છે. હવે આ નિયમ મુજબ તમારો મોબાઈલ નંબર ૩ દિવસમાં જ પોર્ટ થઈ જશે. મોબાઇલ પોર્ટબિલિટીના નવા નિયમો ૧૬મી ડિસેમ્બરથી લાગુ પડશે.

આ નિયમ લાગુ થયા બાદ તમે નંબર બદલ્યા વગર એક ઓપરેટરમાંથી બીજા ઓપરેટરમાં નંબર પોર્ટ કરાવી શકશો. હાલમાં નંબર પોર્ટ કરવા માટે ૭ દિવસનો સમય લાગે છે હવે ૩ દિવસમાં નંબર પોર્ટ થઈ જશે.

મોબાઇલ પોર્ટેબિલિટી સર્વિસ યૂઝરને પોતાનો નંબર બદલ્યા વગર કંપની બદલવાની પરવાનગી આપે છે. જેના માટે યૂઝરનો એક પોર્ટિંગ કોડ જનરેટ થાય છે. આ યૂનિક કોડ જ તેમને નંબર બદલવા માટે મદદ કરે છે.

ટેલિકોમ ઓપરેટર્સને દરેક મોબાઇલ નંબરની પોર્ટેબિલિટીના ટ્રાન્ઝેકશન માટે અલગ અલગ એજન્સીઓને બીલ ચુકવવું પડે છે. ટ્રાઈ દ્વારા હવે આ પ્રક્રિયાની ૫.૭૪ રૂપિયા ફીસ નક્કી કરવામાં આવી છે. આ ફીસ બાદ હવે ટેલિકોમ ઓપરેટર્સને તમામ ટ્રાન્ઝેકશનમાં બચત થશે.