Gujarati News

Gujarati News

News of Monday, 4th November 2019

'મહા' વાવાઝોડુ ૨૪ કલાકમાં અતિ તીવ્ર બનશે

તા.૬ના મધરાત્રે કે તા.૭ના વ્હેલી સવારે પોરબંદર અને દીવના દરિયામાંથી પસાર થશેઃ તા.૬ના રાત્રીના સૌરાષ્ટ્રના દરિયાકિનારે જોરદાર પવન સાથે લેન્ડફોલ કરશેઃ વાવાઝોડુ વધુ ને વધુ મજબૂત બની રહ્યુ છે : સૌરાષ્ટ્રમાં ભારે વરસાદ પડશે : હવામાન ખાતુ

રાજકોટ, તા. ૪ : વાવાઝોડુ 'મહા' સુપર સિવિયર સાયકલોનના રૂપમાં ફેરવાઈ ગયુ છે. આ વાવાઝોડુ ૨૪ કલાકમાં અતિ તીવ્ર બની તા.૬ના મધરાત્રે કે તા.૭ના વ્હેલી સવારે સૌરાષ્ટ્રના દરિયાકિનારે લેન્ડફોલ કરશે. આ વાવાઝોડુ જયારે લેન્ડફોલ કરશે ત્યારે તેની ઝડપ ૧૨૦ કિ.મી.ની હશે. જેની અસરથી તા.૬ અને તા.૭ના સૌરાષ્ટ્રમાં ભારે વરસાદની આગાહી હવામાન વિભાગ દ્વારા કરવામાં આવી છે.

વાવાઝોડુ ૨૪ કલાકમાં હજુ મજબૂત બનશે. આ વાવાઝોડુ હાલ ઉત્તર ઉત્તર પશ્ચિમ દિશામાં આગળ વધી રહ્યુ છે. આજે સવારે ૫ાા વાગ્યે વેરાવળથી ૬૬૦ કિ.મી., દીવથી ૭૦૦ કિ.મી. અને પોરબંદરથી ૬૪૦ કિ.મી. દૂર છે. આ વાવાઝોડુ કલાકના ૧૧ કિ.મી.ની ઝડપે આગળ વધી રહ્યુ છે.

'મહા' વાવાઝોડુ તા.૬ના મધરાત્રે અથવા તા.૭ના વ્હેલી સવારે સૌરાષ્ટ્રના દરિયાકિનારે લેન્ડફોલ કરશે ત્યારે તેની ઝડપ ૧૨૦ કિ.મી.ની હશે. હાલમાં આ વાવાઝોડુ ઓમાન તરફ ગતિ કરી રહ્યુ છે. આવતીકાલે ફરી યુટર્ન કરી ગુજરાત તરફ આગળ વધશે. ૧૮.૧ નોર્થ, ૬૫.૦ ડિગ્રી ઈસ્ટ અને ૯૬૫ મીલીબાર પ્રેશર છે. આ વાવાઝોડુ જયારે ટકરાશે ત્યારે ૧૦૦ થી ૧૨૦ કિ.મી.ના તોફાની પવનો ફૂંકાશે. વાવાઝોડાની અસરથી ખાસ કરીને સૌરાષ્ટ્રના દરિયાકિનારાના વિસ્તારોમાં ભારે અસર  કરશે. અમુક વિસ્તારોમાં ભારે વરસાદની આગાહી પણ કરવામાં આવી છે.

હાલમાં વાવાઝોડુ વધુને વધુ મજબૂત બની રહ્યુ હોય મોટુ નુકશાન થવા સંભવ છે.

દરમિયાન વાવાઝોડાની અસર રાજકોટ શહેર સૌરાષ્ટ્રભરમાં જોવા મળી રહી છે. વાદળછાયુ વાતાવરણ જોવા મળે છે.

સાથોસાથ બપોર બાદ કોઈ કોઈ વિસ્તારોમાં કમોસમી વરસાદ પણ વરસી રહ્યો છે.

(11:40 am IST)
  • શ્રીનગરમાં ત્રાસવાદીઓએ કર્યો ગ્રેનેડ હૂમલો : ૧ નું મોતઃ ૮ ને ઇજા : અહીંના મૌલાના આઝાદ માર્ગ વિસ્તારમાં દહેશત ફેલાવવા ત્રાસવાદીઓનો પ્રયાસઃ ત્રાસવાદીઓએ ગ્રેનેડ ફેંકયાઃ ૧નું મોતઃ ૮ ને ઇજાઃ સુરક્ષાદળોએ કરી ઘેરાબંધીઃ સર્ચ ઓપરેશન શરૃઃ ઇજાગ્રસ્તોને હોસ્પીટલ ખસેડાયાઃ મૃતક બીન કાશ્મીરી છેઃ જે ખીણમાં રહીને રમકડા વેંચતો હતો access_time 3:40 pm IST

  • બુધવારે અમદાવાદમાં કોંગ્રેસની મીટીંગ : આંદોલનાત્મક કાર્યક્રમોની રણનીતિ બનાવશે : પ્રદેશ કોંગ્રેસ અધ્યક્ષ શ્રી અમિતભાઈ ચાવડાના અધ્યક્ષસ્થાને તેમજ શ્રી રાજીવ સાતવજી, શ્રી પરેશ ધાનાણી અને શ્રી રઘુ શર્માની ઉપસ્થિતિમાં તા.૬ નવેમ્બર બુધવારે બપોરે ૨ વાગ્યે રાજીવ ગાંધી ભવન, અમદાવાદ ખાતે યોજવામાં આવેલ આંદોલનાત્મક કાર્યક્રમોના આયોજન અંગે મીટીંગ મળશે access_time 3:43 pm IST

  • મહા વાવાઝોડા સામે સરકાર એલર્ટ : રાજ્ય સરકાર દ્વારા એનડીઆરએફની 2 ટીમ ગીર સોમનાથ જિલ્લામાં મોકલાઇ: એક ટીમ વેરાવળ જ્યારે બીજી ટીમ ઉના ખાતે સ્ટેન્ડ બાય રખાશે: બંન્ને ટીમો મોડી રાત્રે વેરાવળ ખાતે પહોંચશે. access_time 10:30 pm IST