Gujarati News

Gujarati News

News of Friday, 4th October 2019

કેસ બંધ કરવા તૈયારી

લાંચકાંડમાં અસ્થાનાને કિલનચીટ આપશે સીબીઆઈ

નવી દિલ્હી, તા. ૪ :. સીબીઆઈના પૂર્વ ડાયરેકટર રાકેશ અસ્થાનાને ભ્રષ્ટાચારના તમામ આરોપોમાંથી મુકત કરવામાં આવે તેવી શકયતા છે. સૂત્રોના જણાવ્યા પ્રમાણે આ મામલામાં તપાસ અધિકારીએ અસ્થાનાને બધા આરોપોમાંથી દોષમુકત કરવા અંગેનો રીપોર્ટ પણ તૈયાર કરી લીધો છે.

આ રીપોર્ટને હવે ઉચ્ચ અધિકારીઓને સોંપવામાં આવશે. સીબીઆઈના પૂર્વ વડા આલોક વર્માએ અસ્થાના વિરૂદ્ધ એફઆઈઆરમાં તેમના પર ભ્રષ્ટાચારના અનેક આરોપો મુકયા હતા. આ પહેલા આ મામલામાં તપાસ અધિકારી એસ.પી. સતિષ ડાગરે આ વર્ષના ઓગષ્ટમાં વ્યકિતગત કારણોથી સ્વેચ્છિક નિવૃતિની ઈચ્છા વ્યકત કરી હતી. જો કે હજુ સુધી કોઈ નિર્ણય લેવાયો નથી.સૂત્રોના જણાવ્યા પ્રમાણે ડાગરના રીપોર્ટની રીપોર્ટ સીબીઆઈમાં કાનૂની સલાહ માટે પેન્ડીંગ છે તે પછી તેને વર્તમાન વડા ઋષિકુમાર શુકલાને મોકલાશે. એક વખત શુકલા તરફથી લીલી ઝંડી મળે કે તરત જ સક્ષમ અદાલતમાં અસ્થાનાને દોષમુકત કરતી ચાર્જશીટ કે કલોઝર રીપોર્ટ દાખલ કરાશે.

સૂત્રોના જણાવ્યા પ્રમાણે આ મામલામાં અન્ય મુખ્ય આરોપી વચેટીયા મનોજ પ્રસાદ અને સોમેશ પ્રસાદ વિરૂદ્ધ તપાસ ચાલુ રહેશે.અત્રે એ નોંધનીય છે કે, સીબીઆઈના પૂર્વ વડા આલોક વર્માએ ૧૫ ઓકટોબર ૨૦૧૮ના રોજ અસ્થાના સામે એફઆઈઆર નોંધાવી હતી. જેમાં આરોપ હતો કે મીટ વેપારી કુરેશીને ૨.૯૫ કરોડ અસ્થાનાને આપવા ફરજ પડાઈ હતી. આ રકમ પ્રસાદ બંધુઓ દ્વારા આપવાની હતી.

(11:44 am IST)
  • હરિયાણામાં કોંગ્રેસના 40 સ્ટાર પ્રચારકોની યાદીમાં નવજોતસિંહ સિદ્ધુ ગાયબ : હરિયાણામાં કોંગ્રેસના 40 સ્ટાર પ્રચારકોની યાદી જાહેર : વિધાનસભા ચૂંટણીમાં સાંભળશે મોરચો :પંજાબની નજીકના આ રાજ્યની ચૂંટણી માટે કોંગ્રેસના પ્રચારકોની યાદીમાં સિદ્ધુ ના નામની બાદબાકી access_time 12:58 am IST

  • કઠોળ પર સ્ટોક લિમિટ લગાવવાની કોઈ વિચારણા નથી :કેન્દ્રના ગ્રાહક મામલાના મંત્રાલયના સચિવ અવિનાશ શ્રીવાસ્તવે કહ્યું કે સરકારી એજન્સીઓ પાસે કઠોળનો પર્યાપ્ત ભંડાર છે અને કિંમતો પણ નિયંત્રણમાં છે ત્યારે કઠોળની સ્ટોક લિમિટ લાદવી જરૂરી નથી access_time 1:09 am IST

  • જામકંડોરણામાં વરસાદ પડયોઃ કોટડા સાંગાણીના ગામોમાં મોડી સાંજે વરસાદ પડયોઃ ગીર સોમનાથમા વરસાદ યથાવતઃ અમરેલી જીલ્લામાં વરસાદી માહોલઃ દેવળકી ગામમાં ધોધમાર વરસાદ પડયોઃ પાલીતાણા શહેર અને ગ્રામ્યમાં વરસાદ: બગસરામાં પણ ધીમીધારે વરસાદી પડ્યો હતો access_time 10:46 pm IST