Gujarati News

નવી દિલ્હીઃ સુપ્રીમ કોર્ટ કાલે બુધવારે નક્કી કરશે કે દિલ્હીના વહીવટી બોસ કોણ છે? દિલ્હી-કેન્દ્ર અધિકાર વિવાદ પર આવતીકાલે કોર્ટના 5 જજોની બંધારણિય પીઠનો નિર્ણય આવશે. તેનાથી નક્કી થઈ જશે કે દિલ્હીનું કામકાજ ચલાવવામાં રાજ્ય સરકાર અને એલજીની શું ભૂમિકા છે? આ મામલામાં બંધારણિય પીઠે ગત વર્ષે 6 ડિસેમ્બરે સુનાવણી પુરી કરી હતી. 

  અત્રે ઉલ્લેખનીય છે કે 4 ઓગસ્ટ 2016ના દિલ્હી હાઈકોર્ટે કહ્યું હતું કે, દિલ્હી એક કેન્દ્ર શાસિત પ્રદેશ છે. અહીં કેન્દ્રના પ્રતિનિધિ ઉપરાજ્યપાલની મંજૂરીથી જ નિર્ણય લઈ શકાય છે. આ નિર્ણયને દિલ્હી સરકારે સુપ્રીમ કોર્ટમાં પડકાર્યો હતો. 

  15 દિવસ સુધી ચાલેલી સુનાવણીમાં સુપ્રીમ કોર્ટે કહ્યું હતું કે, પ્રથમ નજરમાં ઉપરાજ્યપાલ જ દિલ્હીના પ્રમુખ જોવા મળે છે. પરંતુ રોજબરોજના કામમાં તેમની દખલગીરીથી મુશ્કેલી આવી શકે છે. દિલ્હીના લોકોના હિતમાં રાજ્ય સરકાર અને એલજીએ મળીને કામ કરવું જોઈએ.