Gujarati News

નવી દિલ્હી : ઓનલાઇન ફૂડ ડિલિવરી એપ ઝોમેટો પોતાના એવા કર્મચારીઓને 26 સપ્તાહની રજા આપશે, જે ભવિષ્યમાં માતા-પિતા બનવાના છે. તેનો ફાયદો એવા કર્મચારીઓને પણ મળશે જે ગત 6 મહિનામાં માતા-પિતા બન્યા છે.

  આવા કર્મચારીઓને કંપની પોતાના તરફથી એક હજાર ડોલર (અંદાજિત 69, 262 રૂપિયા)ની રકમ પણ આપશે. કંપનીના સંસ્થાપક અને સીઈઓ દીપેન્દ્ર ગોયલે આ જાહેરાત એક બ્લોગ પોસ્ટ દ્વારા કરી છે. ઝોમેટો વિશ્વના 13 દેશોમાં કાર્યરત છે.

    કંપનીની આ નવી નીતિનો ફાયદો એવા કર્મચારીઓને પણ મળશે, જે સરોગેસી, દત્તક લેનારા અથવા તો સમલૈંગિક જોડાઓને બાળકના વાલી બને છે. ગોયલે કહ્યું છે કે જે દેશોમાં સરકારે તેને લઈને કોઈ પોલિસી બનાવી છે અને તેઓ વધુ રજા આપી રહ્યા છે તો પછી તેને લાગુ કરવામાં આવશે