Gujarati News

Gujarati News

News of Tuesday, 4th May 2021

બિહાર સરકારને પટણા હાઇકોર્ટની ફટકાર : કોવિદ -19 ઉપર કાબુ મેળવી શકો તેમ ન હો તો સ્વાસ્થ્ય સેવા સૈન્યને સોંપી દયો : કોર્ટની અવાર નવાર સૂચનાઓ પછી પણ સુધારો ન થાય તે બાબત શરમજનક

પટણા :  પટણા હાઇકોર્ટે આજ મંગળવારના રોજ બિહાર સરકારનો ઉધડો લીધો હતો. અને જણાવ્યું હતું કે કોવિદ -19 ઉપર કાબુ મેળવી શકો તેમ ન હો તો સ્વાસ્થ્ય સેવા સૈન્યને સોંપી દયો .  કોર્ટની અવાર નવાર સૂચનાઓ પછી પણ સુધારો ન થાય તે બાબત શરમજનક છે.

આ સંદર્ભમાં, જ્યારે એબીપી ન્યૂઝે એડવોકેટ જનરલ લલિત કિશોર સાથે વાત કરી હતી, ત્યારે તેમણે કહ્યું હતું કે, "હાલમાં લેખિતમાં કંઈ જ કહેવામાં આવ્યું નથી. પરંતુ એટલું  ચોક્કસ કહ્યું છે કે અમારી સમજથી તમે નિષ્ફળ રહ્યા છો, તો પછી બિહારમાં સૈન્યને સ્વાસ્થ્ય સેવા કેમ સોંપવામાં આવશે નહીં?

એડવોકેટ જનરલે કહ્યું, "છેલ્લી ક્ષણે અદાલતે કહ્યું છે કે આ વિષય પર કોઈ નિર્ણય લેવામાં આવ્યો નથી, પહેલા તમે તમારી બધી વિગતો સોંપી દો અને તે પછી તેને ધ્યાનમાં લેવામાં આવશે." તેમણે જણાવ્યું હતું કે તેમને વિગતો ફાઇલ કરવા કહેવામાં આવ્યું છે અને આ માટે આવતીકાલ સુધીનો સમય આપવામાં આવ્યો છે અને આવતીકાલે તેના પર આગળની કાર્યવાહી કરવામાં આવશે.

આગામી મુદત 6 મે ના રોજ રાખવામાં આવી છે. તેવું એબીપી ન્યુઝ દ્વારા જાણવા મળે છે.

(6:10 pm IST)
  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • બંગાળ હિંસાઃ વડાપ્રધાને ખૂન-ખરાબા અંગે ચિંતા વ્યકત કરી : રાજ્યપાલ સાથે વાત કરી રીપોર્ટ માંગ્યોઃ મામલો સુપ્રિમ કોર્ટ પહોંચ્યોઃ સીબીઆઈ તપાસની માંગણી access_time 4:07 pm IST

  • પાંચમીએ ભાજપના મોટા પાયે રાષ્ટ્રવ્યાપી ધરણા પૂર્વે આવતીકાલે ૪ મે થી બે દિવસની પશ્ચિમ બંગાળની મુલાકાતે જે.પી.નડ્ડા દોડયા : ચૂંટણીઓ પુરી થયા પછી પશ્ચિમ બંગાળમાં વ્યાપક હિંસા અને તોફાનોના પગલે ભારતીય જનતા પક્ષના રાષ્ટ્રીય પ્રમુખ જે પી નડ્ડા મંગળવારથી પશ્ચિમ બંગાળની બે દિવસની મુલાકાતે જઇ રહ્યાનું જાણવા મળે છે. access_time 12:06 am IST