Gujarati News

Gujarati News

News of Tuesday, 4th May 2021

ચૂંટણી પૂરી થઇઃ ગરજ મટી ગઇ

૧૮ દિવસ બાદ વધ્યા પેટ્રોલ અને ડીઝલના ભાવ

નવી દિલ્હી, તા.૪: પેટ્રોલ અને ડીઝલના ભાવ ૧૮ દિવસ સ્થિર રહ્યા બાદ સરકારી ઓઇલ કંપનીઓએ (આજે તેના ભાવ વધારી દીધા છે. આજે પેટ્રોલ અને ડીઝલના ભાવમાં ૧૫ થી ૨૦ પૈસા સુધીનો વધારો કરવામાં આવ્યો છે. પેટ્રોલના ભાવમાં વધારો થવાથી દેશની રાજધાની દિલ્હીમાં મંગળવારે તે ૯૦.૫૫ રૂપિયા પ્રતિ લીટર પર પહોંચી ગયો. બીજી તરફ, ડીઝલની વાત કરવામાં આવે તો ૮૧ રૂપિયા પ્રતિ લીટરની નજીક પહોંચી ગયો છે. સ્થાનિક બજારમાં પેટ્રોલ-ડીઝલની વધતી કિંમતોએ સામાન્ય જનતાની મુશ્કેલીઓ વધારી દીધી છે.

નોંધનીય છે કે, પહેલા પેટ્રોલ અને ડીઝલના ભાવમાં ઘટાડો કરવામાં આવ્યો હતો. આ પહેલા ૧૫ એપ્રિલે પેટ્રોલ ૧૬ પૈસા પ્રતિ લીટર અને ડીઝલ ૧૪ પૈસા પ્રતિ લીટર સુધી સસ્તું થયું હતું. ત્યારબાદથી કિંમતો સતત સ્થિર રહી હતી.

જાણો દેશના મોટા શહેરોમાં પેટ્રોલ-ડીઝલના નવા ભાવ

દિલ્હી- પેટ્રોલ ૯૦.૫૫ રૂપિયા અને ડીઝલ ૮૦.૯૧ રૂપિયા પ્રતિ લીટર છે. મુંબઈ- પેટ્રોલ ૯૬.૯૫ રૂપિયા અને ડીઝલ ૮૭.૯૮ રૂપિયા પ્રતિ લીટર છે. કોલકાતા- પેટ્રોલ ૯૦.૭૬ રૂપિયા અને ડીઝલ ૮૩.૭૮ રૂપિયા પ્રતિ લીટર છે. ચેન્નઈ- પેટ્રોલ ૯૨.૫૫ રૂપિયા અને ડીઝલ ૮૫.૯૦ રૂપિયા પ્રતિ લીટર છે.

(10:44 am IST)
  • આઈપીએલના બાકીના મેચો મુંબઈમાં જ રમાશે? : સપ્તાહના અંતિમ આઈપીએલના બાકી રહી ગયેલા મેચો હવે મુંબઈ ખાતે જ રમાડવામાં આવે તેવી શકયતા કોરોનાની મહામારીના પગલે આ નિર્ણય લેવાય તેવી વિચારણા ચાલી રહી હોવાનું જાણવા મળે છે. access_time 10:39 am IST

  • આજે પોરબંદર ઇલેક્ટ્રીક સ્મશાન ગૃહમાં 14 મૃતદેહ ને અગ્નિસંસ્કાર કરવામાં આવ્યો હતો જેમાં બે કોરોના પોઝિટિવ નો સમાવેશ થાય છે access_time 11:34 pm IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST