Gujarati News

કેન્દ્રીય ગૃહ મંત્રાલયે લોકડાઉન ૩.૦માં કેટલીક છૂટછાટ આપી છે. તેમાં દારૂની દુકાનો ખોલવાની પણ મંજૂરી આપી છે. આજે સવારે ગુજરાત સિવાય અનેક રાજ્યોમાં દારૂ વેચતી દુકાનો શરૂ થતા જ તે ખરીદવા વ્યસનીઓ ઉમટી પડ્યા હતા અને ઠેર-ઠેર લાઇનો જોવા મળી હતી. દિલ્હીમાં લક્ષ્મીનગર વિસ્તારમાં દારૂની દુકાન બહાર જબરી લાઇન જોવા મળી હતી. દિલ્હી રેડ ઝોનમાં છે છતાં ત્યાં આ દુકાનો શરૂ કરવામાં આવી છે. કર્ણાટકમાં પણ સવારથી લાંબી-લાંબી લાઇનો જોવા મળી હતી. છત્તીસગઢમાં દુકાન શરૂ થતા જ સોશ્યલ ડિસ્ટન્સ રાખીને બંધાણીઓએ દારૂ ખરીદ્યો હતો.