Gujarati News

Gujarati News

News of Thursday, 4th March 2021

મહિલા કોન્સ્ટેબલે પ્રેમિ સાથે મળીને પતિની ક્રૂર હત્યા કરી

પોલીસ કર્મીઓના પ્રણય ત્રિકોણનો કરૂણ અંજામ : વસઈની ટ્રાફિક શાખામાં કામ કરતી મહિલા કર્મીને તેના પોલીસ સ્ટેશનમાં કામ કરતા કોન્સ્ટેબલ સાથે લફરૃં હતું

મુંબઇ, તા. : એક પોલીસ સ્ટેશનમાં ફરજ બજાવતા મહિલા કોન્સ્ટેબલ અને અન્ય એક પોલીસકર્મીની લવ સ્ટોરીનો લોહિયાળ અંજામ આવ્યો છે. મહિલા કોન્સ્ટેબલે પોતાના પ્રેમી સાથે મળીને પતિની કથિત હત્યા કરી દીધી હોવાનું બહાર આવ્યું છે. પોલીસે મર્ડર માટે પ્રેમી-પ્રેમિકાએ રોકેલા ત્રણ હત્યારાને પણ ઝડપી લીધા છે.

૧૭ ફેબ્રુઆરીના રોજ પોલીસને અમદાવાદ-મુંબઈ હાઈવે પર એક રિક્ષા પડી હોવાનો મેસેજ મળ્યો હતો. જેના ચાલકનો મૃતદેહ રિક્ષામાંથી મળી આવ્યો હતો, અને માથામાં ગંભીર ઈજાઓ થવાને કારણે તેનું મોત થયું હતું. પોલીસે મામલે અકસ્માતે મોતનો ગુનો નોંધીને તપાસ હાથ ધરી હતી.

જોકે, મૃતકના પીએમ રિપોર્ટમાં એવું જાણવા મળ્યું હતું કે તેને ધારદાર હથિયારથી માથામાં ઘા મારવામાં આવ્યા હતા. મૃતકની ઓળખ પુંડલિક પાટીલ (ઉં. ૩૫ વર્ષ) તરીકે કરવામાં આવી હતી. મૃતક વસઈનો રહેવાસી હતો, અને તેની પત્ની સ્નેહલ (ઉં. ૨૫ વર્ષ) વસઈ પોલીસની ટ્રાફિક શાખામાં કામ કરતી હતી.

તપાસમાં એવું બહાર આવ્યું હતું કે, પુંડલિક પાટીલને અવારનવાર તેની પત્ની સાથે ઝઘડો થતો રહેતો હતો. રિક્ષા ચલાવવાનું કામ કરતો પુંડલિક જાણતો હતો કે તેની પત્ની સ્નેહલને તેના પોલીસ સ્ટેશનમાં કોન્સ્ટેબલ વિકાસ પાશ્ટે સાથે લફરું છે. પુંડલિક અને સ્નેહલને ત્રણ વર્ષનું એક બાળક પણ છે.

નવાઈની વાત છે કે, સ્નેહલ પાટીલને જેની સાથે લફરું હતું તે કોન્સ્ટેબલ વિકાસ પણ પરણેલો છે, અને તે પણ એક બાળકનો બાપ છે. બંને ૨૦૧૪થી એકબીજાના પ્રેમમાં હતાં. બંને એકબીજાના સંબંધોને ક્યારેય છૂપાવ્યા નહોતા. પોલીસ સ્ટેશનમાં પણ બધાને ખબર હતી કે સ્નેહલ અને વિકાસ એકબીજા સાથે રિલેશનમાં છે. પુંડલિક પોતાની પત્નીને ટિફિન આપવા પોલીસ સ્ટેશન આવતો હતો, અને ત્યાંથી તેને પત્નીના લફરાંની જાણ થઈ હતી.

પોલીસના જણાવ્યા અનુસાર, સ્નેહલે પોતાના પ્રેમી વિકાસને અઢી લાખ રુપિયા આપીને પુંડલિકનો કાંટો કાઢી નાખવા માટે જણાવ્યું હતું. વિકાસે તેના માટે ત્રણ લોકોને કામ સોંપ્યું હતું. ત્રણેયને વિકાસ ઓળખતો હતો. પુંડલિકના મર્ડરનો પ્લાન બનાવી ત્રણેય હત્યારાએ તેની રિક્ષા ભાડે કરી હતી, અને તેને અમદાવાદ-મુંબઈ હાઈવે તરફ લઈ ગયા હતા. હાઈવે પર એક સૂમસામ જગ્યા જોઈને હત્યારાઓએ પુંડલિકને પેશાબ કરવા જવાનું કહી રિક્ષા રોકવા માટે કહ્યું હતું. તેણે રિક્ષા રોકી તે સાથે તેમણે તેના પર હુમલો કર્યો હતો, અને માથામાં બોથડ હથિયાર મારીને તેને ત્યાં પતાવી દીધો હતો. તેમનો પ્લાન પુંડલિકનો મૃતદેહ ઉઠાવી તેને એવી રીતે ગોઠવવાનો હતો કે જેનાથી એવું લાગે કે રિક્ષા પલ્ટી ખાવાથી પુંડલિકનું મોત થયું છે.

જોકે, મર્ડર કર્યા બાદ ત્રણેય હત્યારા પુંડલિકની બોડીને વધારે વજન હોવાના કારણે નહોતા ઉંચકી શક્યા. કામ અશક્ય જણાતા આખરે તેમણે રિક્ષાને ઉંધી વાળી દીધી હતી અને ત્યાંથી ફરાર થઈ ગયા હતા. દરમિયાન હાઈવે પરથી પસાર થતાં એક વાહનચાલકે રિક્ષા પલ્ટી ખાઈ ગઈ હોવાની પોલીસને જાણ કરી હતી. પોલીસે મૃતકની કોલ ડિટેઈલ કઢાવી તપાસ શરુ કરતાં ત્રણેય હત્યારા પકડાઈ ગયા હતા, અને પૂછપરછ દરમિયાન તેમણે વટાણા વેરતા મર્ડર માટે રુપિયા આપનારા વિકાસનું નામ આપી દીધું હતું, અને ત્યારબાદ પુંડલિકની પત્ની સ્નેહલનું પણ તેમાં નામ ખૂલ્યું હતું. પોલીસે મામલે પાંચેય આરોપીઓની ધરપકડ કરી લીધી છે.

(7:34 pm IST)
  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • મથરામાં ' વિમલ 'પાનમસાલાના વેચાણ પર પ્રતિબંધ : અજંતા રાજ બ્રાન્ડ સ્કિમ્ડ મિલ્કના વેચાણ પર પણ રોક લગાવાઈ : વિમલ પાનમસાલાના નમુનાના પરીક્ષણમાં માણસને ઉપયોગમાં અસુરક્ષિત અને હાનિકારક જાહેર થતા પ્રતિબંધ લગાવાયો access_time 12:56 am IST