Gujarati News

Gujarati News

News of Thursday, 4th March 2021

પશ્ચિમ બંગાળના મુખ્યમંત્રી મમતા બેનર્જીની સોફ્ટ હિંદુત્વની પીચ પર બાઉન્ડ્રી ફટકારવાની તૈયારી

અત્યંત રસપ્રદ વળાંકો લેતું પ.બંગાળનું રાજકારણ : દીદીએ ભગવાન શિવનું કાર્ડ ખેલતાં ચૂંટણીમાં ઉમેદવારી નોંધાવવા માટે મહાશિવરાત્રી પર્વનો દિવસ પસંદ કર્યો

કોલકાતા, તા. : પશ્ચિમ બંગાળનું રાજકારણ ખૂબ રસપ્રદ વળાંકો લઈ રહ્યું છે. એક તરફ ભારતીય જનતા પાર્ટીએ ચૂંટણીને પગલે હિંદુત્વ અને જય શ્રી રામના નારાને લઈ મુખ્યમંત્રી મમતા બેનર્જી વિરૂદ્ધ અભિયાન છેડ્યું છે. ત્યારે મમતા પણ હવે સોફ્ટ હિંદુત્વની પીચ પર તક મળે ચોગ્ગો ફટકારવાની તૈયારીમાં છે. ભાજપના રામના નારાના જવાબમાં મમતાએ ભગવાન શિવનું કાર્ડ ખોલ્યું છે. તેમણે ચૂંટણીમાં ઉમેદવારી નોંધાવવા માટે મહાશિવરાત્રી પર્વનો દિવસ પસંદ કર્યો છે.

મમતા બેનર્જીએ વખતે મેદિનીપુરની નંદીગ્રામ બેઠક પરથી ચૂંટણી લડવાનો નિર્ણય લીધો છે. તેઓ પોતાની જૂની ભવાનીપુર અને નંદીગ્રામ એમ બંને બેઠકો પરથી ચૂંટણી લડે તેવી સંભાવના છે. નંદીગ્રામ ખાતે ઉમેદવારી નોંધાવવા માટે તેમણે ૧૧મી માર્ચનો દિવસ પસંદ કર્યો છે અને તે દિવસે મહાશિવરાત્રી પર્વ પણછે.

એક અહેવાલ પ્રમાણે મહાશિવરાત્રીના દિવસે ઉમેદવારી નોંધાવીને મમતા બેનર્જી પોતે શિવભક્ત હોવાનો પુરાવો આપવા માંગે છે. કારણ કે, હિંદુ ધર્મમાં કોઈ પણ મોટું કામ કોઈ પવિત્ર દિવસ કે અવસર વખતે કરવામાં આવે છે. રાજકીય વર્તુળોમાં થઈ રહેલી ચર્ચા પ્રમાણે ઉમેદવારી માટે મહાશિવરાત્રીનો દિવસ પસંદ કરીને મમતા ભાજપના જય શ્રી રામના નારાનો જવાબ આપવા માંગે છે.

(7:34 pm IST)
  • મહારાષ્ટ્રમાં કોરોનાનો કહેર વધતા દેશમાં કોરોનાના કેસ ઝડપથી વધ્યા ::નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 17,425 કેસ નોંધાયા :કુલ કેસની સંખ્યા 1,11,56,748 થઇ :એક્ટિવ કેસ 1,70,443 થયા વધુ 14,071 દર્દીઓ સ્વસ્થ થતા કુલ 1,08,24,233 થયા :વધુ 87 લોકોના મોત સાથે કુલ મૃત્યુઆંક 1,57,471થયા: સૌથી વધુ મહારાષ્ટ્રમાં નવા 9855 નવા કેસ નોંધાયા access_time 1:06 am IST

  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છેઃ કોંગ્રેસના વરિષ્ઠ નેતા સલમાન ખુર્શીદે જી-૨૩ના નેતાઓને લખ્યો ખીલ્લો પત્ર : પૂછયું કે શું તેઓ પક્ષ બદલવાનો વિચાર કરે છે ? : ખુર્શીદે ઉકત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 1:21 pm IST