Gujarati News

રાજકોટ : ઓશો આશ્રમનો અમુક ભાગ રૂ. ૧૦૭ કરોડમાં વેચવાની અરજી કરવામાં આવી છે. ઓશોપ્રેમી યોગેશ ઠક્કરે (મો. ૭૦૨૦૩ ૦૭૭૨૧) જણાવ્યું હતું કે, આશ્રમના ટ્રસ્ટીઓએ ચેરિટી ઓફિસ મુંબઇમાં અરજી કરી છે, જેનો વિરોધ પણ નોંધાયો છે. આ કેસનું હિયરીંગ ચાલુ છે.

ટ્રસ્ટીઓ આશ્રમનો અમુક ભાગ રૂ. ૧૦૭ કરોડમાં ઉદ્યોગપતિ રાજીવ બજાજને વેચવા માંગે છે તે માટે અરજી કરાઇ છે. યોગેશ ઠક્કર કહે છે કે, ત્રણ વિદેશી નાગરિકો અને ટ્રસ્ટીઓ મહારાષ્ટ્રમાં રાજકીય દબાણ લાવીને ઓશો આશ્રમનું પતન કરવા ઇચ્છે છે. આ લોકોની કુવૃતિ ભારતની આધ્યાત્મિક ધરોહરને ખુબ જ નુકસાન કરે તેવી છે.