Gujarati News

Gujarati News

News of Thursday, 4th March 2021

નવા સંસદ ભવનથી 'ગુપચુપ' રીતે આવાસ પહોંચશે વડાપ્રધાન !

ઉપરાષ્ટ્રપતિના આવાસ સુધી પણ સુરંગ નિર્માણ કરાશે : સેન્ટ્રલ વિસ્ટાનો માસ્ટર પ્લાન ધ્યાનમાં રાખીને નિર્માણ કરાશે

નવી દિલ્હી, તા. ૪ : રાષ્ટ્રપતિ ભવનથી ઇન્ડીયા ગેટ વચ્ચે નવી ઇમારતો માટે સેન્ટ્રલ વિસ્ટાનો માસ્ટર પ્લાન તૈયાર કરવામાં આવ્યો છે. સુરક્ષા પ્રોટોકોલની ધ્યાનમાં રાખીને સંસદ ભવનને સાંસદોના ચેમ્બર સાથે જોડવામાં આવશે. એટલું જ નહિ સંસદ ભવનમાંથી ગુપચુપ રીતે આવાસ સુધી પહોંચવા માટે વડાપ્રધાન અને ઉપરાષ્ટ્રપતિના આવાસ સુધી પણ સુરંગ નિર્માણ કરાશે સાથે જ કેન્દ્રીય સચિવાલય માટે ૧૦ નવી ઇમારત નિર્માણ કરાશે. રાષ્ટ્રપતિ ભવન, હાલનું સંસદભવન,, ઇન્ડીયાગેટ અને રાષ્ટ્રીય અભિલેખાગારની ઇમારતની યથાવત રખાશે. સેન્ટ્રલ વિસ્ટા પુનર્વિકાસ યોજના મુજબ નવું પી.એમ. હાઉસ અને પી.એમ.ઓ સાઉથ બરાકની તરફ નિર્માણ થશે બીજી બાજુ નોર્થ બ્લોકની પાછળ ઉપરરાષ્ટ્રપતિ આવાસ બનશે.

બીજી બાજુ વડાપ્રધાન આવાસ ૭ લોક કલ્યાણ માર્ગ પર છે આ આવાસને સાઉથ બ્લોકની પાસે નિર્માણ થવાથી સૌથી મોટો ફાયદો એ થશે કે વડાપ્રધાનને તેમના આવાસ પરથી ઓફિસ અને સંસદમાં અવર-જવર માટે ટ્રાફિક રોકવો પડશે નહિ નોર્થ અને સાઉથ બ્લોકમાં નેશનલ હિસ્ટ્રી મ્યુઝીયમ બનશે. સાંસદોના ચેમ્બર સંસદની પાસે સંસદના ટ્રાન્સપોર્ટ અને શ્રમશકિત ભવનની પાસે નિર્માણ થશે. 

(1:25 pm IST)
  • ન્યૂઝીલેન્ડના નોર્થ આઇલેન્ડ પર 7.2ની તીવ્રતાના ભૂકંપ બાદ સુનામીની ચેતવણી : "ભૂકંપના પ્રારંભિક પરિમાણોના આધારે, ભૂકંપના કેન્દ્રથી 300 કિલોમીટરના અંતરે આવેલા દરિયાકાંઠા માટે જોખમી સુનામી તરંગો શક્ય છે." - હવાઇ આધારિત પેસિફિક સુનામી ચેતવણી કેન્દ્ર access_time 9:36 pm IST

  • રાજકોટ મેયરની ચૂંટણીની તારીખમાં એકાએક ફેરફાર : હવે ૧૧ને બદલે ૧૨મી માર્ચે યોજાશે ખાસ બોર્ડ : તારીખ નક્કી કરવામાં ઉતાવળ થઈ : મેયરની સાથે જ ડેપ્‍યુટી મેયર અને સ્‍ટેન્‍ડીંગના ૧૨ સભ્‍યોની વરણી પણ થશે : ખાસ બોર્ડ બોલાવવા માટે ૭ દિવસનો સમય જોઈએ જેની ગણતરીમાં તંત્રવાહકે થાપ ખાઈ ગયા હતા : મોડેથી આ બાબત ધ્‍યાનમાં આવતા તારીખ ફેરવાયાનું જાણવા મળ્‍યુ છે access_time 6:11 pm IST

  • ઇન્કમટેક્સ અધિકારીઓએ આજે ​​ફિલ્મ નિર્માતા વિક્રમાદિત્ય મોટવાને, કે જે ફેન્ટમ ફિલ્મ્સના સ્થાપક સભ્યોમાં હતા, અને ક્વાન ટેલેન્ટ મેનેજમેન્ટ એજન્સીના વિજય સુબ્રમણ્યમના નિવાસ સ્થળો પર દરોડો પાડ્યો છે : ટેક્સ ચોરીના મામલે ફેન્ટમ ફિલ્મ્સ સાથે સંકળાયેલા લોકો પર IT દ્વારા દરોડા પાડવામાં આવી રહ્યા છે. access_time 5:29 pm IST