Gujarati News

Gujarati News

News of Thursday, 4th March 2021

ઓપરેશન દરમિયાન મહિલા ડોકટર દર્દીના પેટમાં રૂમાલ ભૂલી ગઇ : દર્દીની હાલત ગંભીર

તબિયત બગડતા ફરીથી આ ડોકટર જ તેની સારવાર કરતી રહી

નવી દિલ્હી, તા.૪: ઘણા લોકોને ભુલવાની ટેવ હોય છે. કોઇકને નામ યાદ ના રહેતા હોય તો વળી કિકને રસ્તા ભુલાઇ જતા હોય છે. કેટલાક લોકો તો એવા ભુલકણા હોય છે કે તેઓ કોઇ વસ્તુ મુકીને ભુલી જાય છે. બાદમાં જયારે જરુર પડે ત્યારે તે મળતી જ નથી. આ તો થઇ સામાન્ય માણસોની વાત, પરંતુ જો કોઇ ડોકટર ભુલકણો હોય તો? અહિં એવી જ એક મહિલા ડોકટરની વાત કરવી છે.

ઉત્ત્।ર પ્રદેશની એક મહિલા ડોકટરની બેદરકારીને કારણે એક મહિલાનો જીવ જોખમમાં મુકાયો છે. આ મહિલા ડોકટર ઓપરેશન દરમિયાન રુમાલ દર્દીના પેટમાં જ ભુલી ગઇ અને ટાંકા પણ લગાવી દીધા. ત્યારબાદ તે મહિલા દર્દીની હાલત બગડી અને તેના પેટમાં ઇન્ફેકશન ફેલાયું. આશ્યર્યની વાત તો એ છે કે તબિયત બગડતા ફરીથી આ ડોકટર જ તેની સારવાર કરતી રહી.

જયારે દર્દીને ફાયદો ના થયો તો તેણે બીજી ડોકટરને બતાવ્યું અને આખી ઘટના સામે આવી. ત્યારબાદ તે મહિલાનું બીજી વખત ઓપરેશન કરીને પેટમાંથી રુમાલ કાઢવામાં આવ્યો. સાથે જ તેના કેટલાક અંગોને પણ કાપીને કાઢવા પડ્યા છે. આમ છતા અત્યારે મહિલાની સ્થિતી ગંભીર છે.

જે ડોકટર સિઝેરિયનના ઓપરેશન દરમિયાન પેટમાં રુમાલ ભૂલી ગઇ તેનું નામ ડો. સંગીતા સિંહ છે. જયારે ફરી વખત તે દર્દી તેની પાસે આવી તો ડો. સંગીતા તેને ગેસ અને એનીમિયા છે તેમ કહીને સારવાર કરતી રહી. બાદમાં ૨ ફેબ્રુઆરીએ રેખા નામની તે મહિલાનું ફરીવખત ઓપરેશન થયું ને તેના પેટચમાંથી રુમાલ કાઢવામાં આવ્યો.

આ સારવારના ખર્ચામાં તેનું ખેતર પણ વેચાઇ ગયું છે અને દેવું થઇ ગયું તે વધારાનું. જયારે તે અને તેનો પતિ હોસ્પિટલે ફરિયાદ કરવા ગયા તો ડોકટરોએ તેમને ધમકાવ્યા. ત્યારબાદ તેઓ પોલીસ પાસે ગયા અને આ ઘટના પ્રકાશમાં આવી. ત્યારબાદ આરોગ્ય પ્રશાસને તપાસના આદેશ આપ્યા છે.

(10:06 am IST)
  • મહારાષ્ટ્રમાં કોરોનાનો કહેર વધતા દેશમાં કોરોનાના કેસ ઝડપથી વધ્યા ::નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 17,425 કેસ નોંધાયા :કુલ કેસની સંખ્યા 1,11,56,748 થઇ :એક્ટિવ કેસ 1,70,443 થયા વધુ 14,071 દર્દીઓ સ્વસ્થ થતા કુલ 1,08,24,233 થયા :વધુ 87 લોકોના મોત સાથે કુલ મૃત્યુઆંક 1,57,471થયા: સૌથી વધુ મહારાષ્ટ્રમાં નવા 9855 નવા કેસ નોંધાયા access_time 1:06 am IST

  • રાજકોટ લોધિકા સંઘના ચેરમેન અને અકિલા ના વરિષ્ઠ સદસ્ય નરેન્દ્રસિંહ જાડેજાએ આજે લીધો કોરોનાની રસી નો પ્રથમ ડોઝ access_time 5:17 pm IST

  • મેરીકોમ ચેમ્પિયન્સ અને વેટરન્સ સમિતિના અધ્યક્ષ : વિખ્યાત બોકસર અને છ વખતની વિશ્વ ચેમ્પિયન મેરીકોમને આંતરરાષ્ટ્રીય બોકિસંગ એસોસિએશન- એઆઈબીએ એ 'ચેમ્પિયન્સ અને વેટરન્સ' સમિતિના અધ્યક્ષ તરીકેની પસંદગી કરી છેઃ એ.આઈ.બી.એ.બોર્ડ ઓફ ડિરેકટરના મતદાનમાં મેરીકોમના નામ પર સહમતી થઈ હતી access_time 4:00 pm IST