Gujarati News

Gujarati News

News of Thursday, 4th March 2021

મહારાષ્ટ્ર વિધાનસભામાં હંગામો

સરકારી હોસ્ટેલમાં છોકરીઓના કપડાં ઉતરાવી કરાવાયો ડાન્સ

મહારાષ્ટ્રના જલગાંવની સરકારી હોસ્ટેલમાં રહેતી છોકરીઓને જબરજસ્તીથી કપડાં ઉતરાવી નગ્ન ડાન્સ કરાવાયાનો વિડીયો સામે આવ્યો છે. આ શરમજનક કૃત્યમાં કેટલાક પોલીસકર્મીઓ અને હોસ્ટેલની બહારના લોકો સામેલ હોવાનો આરોપ લગાવાયો છે

મુંબઈ,તા. ૪: મહારાષ્ટ્રના જલગાંવમાંથી એક હચમચાવી નાખતી ઘટના સામે આવી છે. આ ઘટનાથી એ પણ જાણવા મળી રહ્યું છે કે, ગુનેગારોની હિંમત કેટલી વધી ગઈ છે કે, તે છોકરીઓને જબરજસ્તી નગ્ન ડાન્સ કરાવતા પણ ડરતા નથી. જલગાંવ જિલ્લાની સરકારી હોસ્ટેલમાં રહેતી છોકરીઓની સાથે આ શરમજનક ઘટના બની છે. ચોંકાવનારી વાત તો એ છે કે, કેટલાક પોલીસકર્મીઓ અને બહારના લોકોએ હોસ્ટેલમાં રહેતી છોકરીઓને ન્યૂડ ડાન્સ કરવા મજબૂર કરી.

આ મુદ્દો આજે મહારાષ્ટ્ર વિધાનસભાના બજેટ સત્રના ત્રીજા દિવસે ગૃહમાં પણ ઉઠાવ્યો. આ મુદ્દાન લઈને વિપક્ષમાં બેઠેલા ભાજપે મહાવિકાસ અઘાડી સરકારને નિશાના પર લીધી. ભાજપના નેતા સુધીર મુનગંટીવારે કહ્યું કે, હવે મહારાષ્ટ્રમાં ગુનેગારોની હિંમત સાતમા આસમાને છે અને એવું લાગે છે કે, રાજયમાં રાષ્ટ્રપતિ શાસન લગાવવાનો સમય આવી ચૂકયો છે. તેમણે કહ્યું કે, જે રીતે મહિલાઓ અને બાળકીઓ સાથે દુષ્કર્મ અને છેડતીની ઘટનાઓ સામે આવી રહી છે તે ઘણી જ શરમજનક છે. વિધાનસભામાં આ મુદ્દો ઉઠાવાયા બાદ મહારાષ્ટ્રના ગૃહ મંત્રી અનિલ દેશમુખે આ મામલે નિષ્પક્ષ કાર્યવાહીની ખાતરી આપી છે.

હકીકતમાં, આ મામલો જલગાંવની આશાદીપ મહિલા છાત્રાલયનો છે, જયાં રહેતી યુવતીઓના કપડાં ઉતરાવી તેમને ડાન્સ કરવા મજબૂર કરવામાં આવી. આ ઘટનાનો એક વિડીયો પણ કલેકટર અભિજીત રાઉતને સોંપવામાં આવ્યો છે. કલેકટરે આ મામલાની તપાસના આદેશ આપ્યા છે. અહીં રહેતી છોકરીઓએ આરોપ લગાવ્યો છે કે, ૧ માર્ચે કેટલાક પોલીસકર્મીઓ અને બહારથી આવેલા લોકોએ જબરજસ્તીથી કપડાં ઉતરાવી તેમને ડાન્સ કરાવ્યો.

(10:03 am IST)
  • પાકિસ્તાનની સીંધ વિધાનસભામાં બઘડાટીઃમહિલા સભ્યો જીવ બચાવીને ભાગી : ઇમરાન ખાનની તેહરીકે ઇન્સાફ પાર્ટીના નેતાઓ વચ્ચે અંદરોઅંદર યાદવાસ્થળી access_time 1:23 pm IST

  • સુપ્રસિદ્ધ યાત્રાધામ પાવાગઢ ખાતેનું રોપ-વે બંધ access_time 11:20 am IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છેઃ કોંગ્રેસના વરિષ્ઠ નેતા સલમાન ખુર્શીદે જી-૨૩ના નેતાઓને લખ્યો ખીલ્લો પત્ર : પૂછયું કે શું તેઓ પક્ષ બદલવાનો વિચાર કરે છે ? : ખુર્શીદે ઉકત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 1:21 pm IST