Gujarati News

Gujarati News

News of Thursday, 4th March 2021

પશ્ચિમ બંગાળમાં પેટ્રોલ પંપો પરથી પીએમ મોદીની તસવીરવાળા હોર્ડિંગ હટાવવા ચૂંટણીપંચનો આદેશ

ચૂંટણી પંચે સરકારી યોજનાઓ સાથે જોડાયેલી જાહેરાતોને આદર્શ આચાર સંહિતાનું ઉલ્લંઘન માન્યું

કોલકત્તાઃ પશ્ચિમ બંગાળ વિધાનસભાચૂંટણી દરમિયાન પેટ્રોલ પંપ પરથી સરકારી યોજનાઓની જાહેરાત હટાવવાનો નિર્દેશ ચૂંટણી પંચે આપ્યો છે. ચૂંટણી પંચે સરકારી યોજનાઓ સાથે જોડાયેલી જાહેરાતોને આદર્શ આચાર સંહિતાનું ઉલ્લંઘન માન્યું છે.

ચૂંટણી પંચે બુધવારે સાંજે જારી આદેશમાં કહ્યું કે પેટ્રોલ પંચો પર લાગેલી પીએમ નરેન્દ્ર મોદીની તસવીર આચાર સંહિતાનું ઉલ્લંઘન કરી રહી છે, તેથી તેને 72 કલાકની અંદર હટાવી દેવામાં આવે. તેને લઈને ટીએમસીના એક પ્રતિનિધિમંડળે આજે ચૂંટણી પંચ સાથે મુલાકાત કરી હતી. પશ્ચિમ બંગાળમાં સત્તામાં રહેલી ટીએમસીએ કોરોના વેક્સિન પર મળી રહેલા સર્ટિફિકેટમાં પીએમ મોદીની તસવીર મુદ્દે પણ વિરોધ નોંધાવ્યો હતો.

ટીએમસીના પ્રતિનિધિમંડળે કોરોના વેક્સિન સર્ટિફિકેટ અને પેટ્રોલ પંપો પર જાહેરાતોમાં લાગેલી પીએમ મોદીની તસવીરને આદર્શ આચાર સંહિતાનું ઉલ્લંઘન ગણાવ્યું અને તેના પર પ્રતિબંધ લગાવવાની વાત કરી હતી. પ્રતિનિધિમંડળમાં સામેલ મમતા સરકારના મંત્રી ફરહાદ હાકિમે તેને સરકારી મશીનરીનો દૂરુપયોગ ગણાવ્યો અને ચૂંટણી પંચને હસ્તક્ષેપ કરવાની માંગ કરી હતી .

(11:30 pm IST)
  • કેનેડાને મળી મેડ ઇન ઇન્ડિયા કોરોના રસી:વિદેશ પ્રધાને ટ્વિટ કર્યું: ભારતે કોવિડ -19 સામેની લડતમાં સહયોગ આપતા ભારત દ્વારા નિર્મિત કોરોના રસી કેનેડા અને લેસોથોને મોકલી : વિદેશ પ્રધાન એસ જયશંકરે ટ્વિટ કર્યું હતું કે, 'ભારત-નિર્મિત રસી કેનેડામાં પહોંચી છે.' અન્ય એક ટ્વિટમાં વિદેશ પ્રધાને કહ્યું કે લેસોથોને પણ ભારત દ્વારા બનાવવામાં આવેલી રસી મળી access_time 12:21 am IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ : બ્રહ્મસમાજની પત્રીકા વાયરલ થવાના મામલે કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ કરાયાનું બિનસત્તાવાર સુત્રોમાંથી જાણવા મળે છે access_time 1:22 pm IST