Gujarati News

રાજકોટઃ એલ.આઇ.સી.ના એકચ્યુરિયલ  વેલ્યુએશન સરપ્લસમાંથી , ભારત સરકારના હિસ્સાનો રૂપિયા ૨૬૧૦.૭૪ કરોડનો ડીવિડંડનો ચેક એલ.આઇ.સી.ના અધ્યક્ષ શ્રી એમ.આર.કુમારે, સુશ્રી નિર્મલા સીતારામન , કેન્દ્રિય નાણાં અને કોર્પોરેટ બાબતોના પ્રધાનને અર્પણ કર્યો હતો. નાણાકિય વર્ષ ૨૦૧૮-૧૯ દરમિયાન એલ.આઇ.સી. એ ગત વર્ષ ઉપર ૯.૯%ના ગ્રોથ સાથેે કુલ રૂપિયા ૫૩૨૧૪.૪૧ કરોડનું વેલ્યુએશન સરપ્લસ પ્રાપ્ત કર્યુ છે. આ એલ.આઇ.સી. ના ઈતીહાસમાં પહેલી વખત છે કે વેલ્યુએશન સરપ્લસ રૂપિયા ૫૦૦૦૦ કરોડને પાર થયુ છે. આ પ્રસંગે શ્રી રાજીવ કુમાર સેક્રેટર(ફાયનાન્સ),શ્રી દેબાશીશ પાંડા સ્પેશિયલ  સેક્રેટરી (ઈન્સ્યોરન્સ અને એફ.આઇ.) ભારતીય જીવન વિમા નિગમ મેનેજીંગ ડિરેકટર, શ્રી ટી.સી. સુશીલ કુમાર , શ્રી વિપીન  આનંદ , શ્રી મુકેશ કુમાર ગુપ્તા અને શ્રી રાજકુમાર હાજર રહ્યા હતા.  એલ.આઇ.સી. એ તેની સ્થાપના પછી ૬૩ વર્ષ પુર્ણ કર્યા છે. અને રૂપિયા ૩૧.૧૧ લાખ કરોડથી વધારે સંપતીનું સંચાલન કરે છે. વર્ષ ૨૦૧૮-૧૯ દરમિયાન રૂપિયા ૫.૬૧ લાખ કરોડની વાર્ષિક આવક અને રૂપિયા ૧૪૨.૧૯૧.૬૯ કરોડની અત્યાર સુધીની ઉચ્ચતમ ફર્સ્ટ ઈયર પ્રીમીયમ ઈનકમ મેળવેલ છે. વર્ષ ૨૦૧૮-૧૯ દરમિયાન ૨ કરોડ ૫૯ લાખ દાવા પેટે રૂપિયા  ૧.૬૩ લાખ કરોડની રકમ ચૂકવેલ છે. એલ.આઇ.સી.ની ૩૦ નવે. ૨૦૧૯ના રોજ નંબર ઓફ પોલીસીમાં માર્કેટ શેર ૭૬.૨૮% અને ફર્સ્ટ ઈયર પ્રિમીયમમાં ૭૧% છે.