Gujarati News

Gujarati News

News of Friday, 4th January 2019

હવે ૫ થી ૮ ધોરણ સુધીના વિદ્યાર્થીઓને નાપાસ કરી શકાશે

શાળામાં આઠમાં સુધી નાપાસ ન કરવાના નિયમોમાં થયા ફેરફારો : રાજ્યસભામાં બીલ પાસઃ જોકે પાસ થવાનો એક મોકો આપવામાં આવશે : બે મહિનાની અંદર જ બીજીવાર પરીક્ષા લેવાશે

નવી દિલ્હી તા. ૪ : શાળાના શિક્ષણમાં સુધારણામાં લાગેલી મોદી સરકારના રસ્તાનો મોટો કાંટો હાલમાં હટી ગયો છે. શાળામાં આઠમા સુધી બાળકોને ફેઈલ ન કરવાં નીતિમાં ફેરફાર સંસદમાં પસાર થઇ ગયો છે. હવે પાંચમા થી આઠમા ધોરણ સુધીના વિદ્યાર્થીઓને ફેલ કરી શકાશે. જોકે, તેને તે પહેલા પાસ થવાનો એક મોકો આપવામાં આવશે. તેના માટે મુખ્ય પરીક્ષાના બે મહિનાની અંદર જ બીજી વાર ફરી પરીક્ષા લેવામાં આવશે.

ગઈ કાલે રાજયસભામાં પણ નિઃશુલ્ક અને અનિવાર્ય બાળ શિક્ષાનો અધિકાર બિલ-૨૦૧૯ને મંજૂરી આપી દીધી છે.લોકસભામાં આ બિલ ગયા વર્ષે જ પાસ થઇ ગયું હતું.એવામાં હવે વિધેયક ૨૦૧૯ને રજૂ કરીને કેન્દ્રીય માનવ સંશાધન વિકાસ મંત્રી પ્રકાશ જાવડેકર શાળાના શિક્ષણને મજબૂત બનાવવા માટે આ બદલાવને જરૂરી ગણવામાં આવ્યુ છે.

તેઓએ કહ્યું કે તેને શિક્ષણની ગુણવતામાં સુધાર થશે અને બાળકો ભણતરમાં વધુ રસ લેશે. તેઓએ આ દરમિયાન કોંગ્રેસ સહિત અન્ય દળોને આશંકાઓને પણ દૂર કરી. તેઓએ કહ્યું કે આ બદલાવનો અર્થ એ નથી કે કોઈને શાળા માંથી કાઢવામાં આવી રહ્યા છે.આ બદલાવ અભિભાવકોની માંગ બાદ જ કરવામાં આવ્યો છે.

માનવ સંસાધન વિકાસ મંત્રાલયની માને તો હાલના સમયમાં આઠમી સુધી વિદ્યાર્થીઓને ફેલ ન કરવાની નીતિથી શૈક્ષણિક ગુણવત્તામાં પહેલાના મુકાબલે નીચલા સ્તર પર ગઈ છે. સેન્ટ્રલ એડવાઈઝરી બોર્ડ ઓફ એજયુકેશનની બેઠકમાં રાખેલા પ્રસ્તાવ પર ૨૫ રાજયોએ સંમતિ દર્શાવી હતી.જયારે ચાર રાજય આંધ્રપ્રદેશ, તામિલનાડુ, ઓડિશા, અને તેલંગાણા આ બદલાવ વિરૂદ્ઘ છે. ચાર રાજયોના વિરોધને જોઈને સરકારને ફેલ ન કરવાની નીતિમાં બદલાવ અંગે રાજયોને પૂર્ણ સ્વયત્તતા પણ આપી છે. તેના હેઠળ જો કોઈ રાજય સહમત નથી તો તે તેના મુજબ પરીક્ષાની ગોઠવણ કરી શકે છે. શાળામાં આઠમી સુધી ફેલ ન કરવાની નીતિને યુપીએ સરકાર દરમિયાન બાળકોનું શાળા ન છોડવાની વધતી સંખ્યાને જોઈને લાગુ કરવામાં આવ્યો હતો.(૨૧.૧૫)

(11:38 am IST)
  • વિપક્ષની અવગણના કરીને પોતાની સુવિધા મુજબ સંસદ ચલાવે છે સરકાર :સીપીએમનો આરોપ :લોકસભામાં સીપીએમના નેતા મોહમ્મદ સલીમ અને રાજ્યસભામાં પાર્ટીના સભ્ય ઈ સલીમે કહ્યું કે બંને સદનમાં ખાસકરીને ઉચ્ચસદનમાં સત્તાપક્ષની સગવડતા પ્રમાણે કાર્યવાહીનું સંચાલન થઇ રહયું છે access_time 1:08 am IST

  • નીતિન ગડકરીએ કહ્યું 'બેરોજગારી દેશની સૌથી મોટી સમસ્યા છે :કેન્દ્રીયમંત્રી નીતિન ગડકરીએ કહ્યું કે એ વિચારવાની જરૂર છે કે કેવી રીતે દેશના ગ્રામીણ અને શહેરી વિસ્તારોમાં રોજગારના અવસર ઉભા કરી શકાય :તેમણે કહ્યું કે રોજગારી અને નોકરીઓ વચ્ચે અંતર હોય છે :ગડકરીએ ફોર્ચ્યુન ફાઉન્ડેશન આયોજીય યુવા સશક્તિકરણ સંમેલનને સંબોધતા કહ્યું કે બેરોજગારીની સમસ્યાના ઉકેલ માટે દરેકને નોકરીઓ ના મળી શકે કારણ કે રોજગાર અને નોકરી વચ્ચે અંતર છે access_time 1:05 am IST

  • રામમંદિર પર વટહુકમનો રામવિલાસ પાસવાને કર્યો વિરોધ ;પાસવાને કહ્યું કે સુપ્રીમ કોર્ટનો ચુકાદો અંતિમ હોવો જોઈએ ;કેન્દ્રીય મંત્રી પાસવાને કહ્યું કે રામમંદિરના મુદ્દે સર્વોચ્ચ અદાલત જે કોઈ નિર્ણય કરે તે તમામને સ્વીકાર્ય હોવો જોઈએ :હિન્દૂ હોય કે મુસલમાન અથવા અન્ય કોઈ સમુદાયના લોકોએ સુપ્રિમકોર્ટનો નિર્ણય સ્વીકારવો જોઈએ access_time 1:19 am IST