Gujarati News

Gujarati News

News of Thursday, 4th January 2018

ટાઇફોઇડ માટે ભારતે બનાવેલી રસી વિશ્વનાં બાળકોને બચાવશે

નવી દિલ્હી તા.૪: ભારત બાયોટેડ નામની કંપનીએ બનાવેલી ટાઇફોઇડ માટેની રસીને વર્લ્ડ હેલ્થ ઓર્ગેનાઇઝેશને પ્રીકવોલિફિકેશન માટે માન્યતા આપી છે એટલે આ રસી હવે વિશ્વભરના બાળકોને ટાઇફોઇડ સામે રક્ષણ આપશે. આ કંપનીએ બાર વર્ષના રિસર્ચ બાદ ૧૫૦ કરોડ રૂપિયાના ખર્ચ પછી આ રસી તૈયાર કરી છે. ટાઇપબાર TCV (ટાઇફોઇડ કોન્જુગેટ વેકિસન) નામની આ રસી છ મહિનાના બાળકથી લઇને યુવાન સુધી દરેકને આપી શકાય છે અને વિશ્વમાં ઉપલબ્ધ આવી રસીમાં સૌથી અસરકારક સાબિત થઇ છે. હૈદરાબાદમાં કંપનીના ચેરમેન અને મેનેજિંગ ડિરેકટર કૃષ્મા એલ્લાએ આ જાણકારી આપી હતી. વિશ્વમાં ૨૦૧૬માં બાર લાખ લોકોને ટાઇફોઇડ થયો હતો જેમાંથી ૧.૩૦ લાખ લોકોનાં મૃત્યુ થયાં હતા.

(3:50 pm IST)
  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • બિહારના પૂર્વ મુખ્યમંત્રી લાલુપ્રસાદ સહિતના 16 આરોપીઓને આજે ચારા કૌભાંડના કેસમાં સજા ફટકારવામાં આવવાની હતી, પરંતુ હવે તેમની સજા કાલે જાહેર કરવામાં આવશે એમ જાણવા મળી રહ્યું છે. access_time 3:43 pm IST

  • બ્રિટનમાં એલીનોર તોફાન : 160ની ઝડપે પવન ફૂંકાયો : 40 ફૂટ ઊંચા મોજાં ઉછળ્યાં access_time 8:44 am IST