Gujarati News

Gujarati News

News of Thursday, 4th January 2018

ભીમા-કોરેગાંવઃ સુરક્ષા એજન્સીઓને આશંકાઃ નકસલીઓએ રચ્યું હતું ષડયંત્ર

પ્રદર્શનમાં મોટી સંખ્યામાં એવા આંદોલનકારીઓ હતા, જે પછાતો માટે જંગના નામ પર સુનિશ્ચિત કરી રહ્યા હતા કે પોલીસ બાજુમાં થઇ જાય અને તેઓ વધુમાં વધુ સંપત્તિને નુકસાન પહોંચાડી શકે

નાગપુર તા. ૪ : પુણેના ભીમા-કોરેગાંવમાં દલિત સંગઠનોના આંદોલનની પાછળ શહેરી નકસલી કેડરનો હાથ છે. સુરક્ષા એજન્સીઓએ આવી આશંકા વ્યકત કરી છે. એજન્સીઓ મુજબ નકસલીઓએ ભીમા-કોરેગાંવમાં પ્રદર્શન અને સેમિનારનું આયોજન કર્યું જેથી વિવાદ ઉભો થાય અને તે પછી આખા મહારાષ્ટ્રમાં દલિતોનું આંદોલન ફેલાઈ જાય. ભીમા-કોરેગાંવની હિંસાના એક દિવસ અગાઉ મુંબઈમાં નકસલી ફ્રન્ટ ઓર્ગેનાઈઝેશનની મીટિંગ શ્નયલગર પરિષદલૃના સીઝ કરાયેલા દસ્તાવેજોના આધારે એજન્સીઓ આ નિષ્કર્ષ પર પહોંચી છે.

નામ જાહેર ન કરવાની શરત પર અધિકારીઓએ જણાવ્યું કે, 'અમારી સુરક્ષા એજન્સીઓના રિપોર્ટ્સ અને રેકોર્ડ્સ મુજબ ૩૧ ડિસેમ્બરે પુણેમાં શનિવારે વાડામાં થયેલી ફ્રન્ટ ઓર્ગેનાઈઝેશનની 'યલગર પરિષદ'માં જોડાયેલા લોકો પ્રત્યક્ષ કે પરોક્ષ રીતે નકસલવાદીઓ સાથે જોડાયેલા હતા.' તેમણે જણાવ્યું કે, 'આવા આંદોલનમાં નકસલીઓ ઘૂસી જાય છે અથવા તો હિંસા ભડકાવી દે છે. પહેલા પણ આવું જોવા મળ્યું છે.'

CM દેવેન્દ્ર ફડણવીસે પણ આ વાતનો ઈનકાર નથી કર્યો કે હિંસક આંદોલનમાં ડાબેરી અતિવાદી સંગઠનો હાથ હોઈ શકે છે. કહ્યું કે, અમે આ સંગઠનોની ભૂમિકાની તપાસ કરી રહ્યા છીએ. સૂત્રોનું કહેવું છે કે પ્રદર્શનમાં મોટી સંખ્યામાં એવા આંદોલનકારીઓ હતા, જે પછાતો માટે જંગના નામ પર સુનિશ્ચિત કરી રહ્યા હતા કે પોલીસ બાજુમાં થઈ જાય અને તેઓ વધુમાં વધુ સંપત્તિને નુકસાન પહોંચાડી શકે.

એક સિનિયર IPS અધિકારીએ કહ્યું કે પાછલા દિવસોમાં પેશવાઓના કથિત દમનકારી શાસન દરમિયાન કહેવાતા શબ્દ 'પેશવાઈ'ને કેટલાક લોકોએ નવી રીતે પરિભાષિત કરવાની કોશિશ કરી રહ્યા છે. સરકારને 'નવી પેશવાઈ' ગણાવી રહ્યા છે. આ નવા શબ્દને ગઢવાની કોશિશનો ઉલ્લેખ કરીને અધિકારીએ કહ્યું કે યલગર પરિષદની મિટિંગમાં જે દસ્તાવેજો મળ્યા છે, તેમાંથી એક નારો આ પણ છે. જેમાં લખ્યું છે, 'બધાનું આપેલું છે ભીમા-કારેગાંવ, નવી પેશવાઈ દફનાવી દો કબ્રિસ્તાનમાં' નકસલ ફ્રન્ટ ઓર્ગેનાઈઝેશન સાથે જોડાયેલા એક સિનિયર મહિલા મેમ્બરે પણ આ મિટિંગમાં ભાગ લીધો હતો. સીતાબલ્દી પોલીસ સ્ટેશનની સ્પેશિયલ બ્રાન્ચના કેટલાક મહિના પહેલા આ મહિલાની સામે પુરાવાની સાથે રિપોર્ટ તૈયાર કર્યો હતો. જોકે, તેના પર કોઈ FIR નોંધાઈ નહોતી.(૨૧.૧૦)

(9:59 am IST)
  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • જમ્મુ કાશ્મીરઃ આરએસપુરા સેકટરમાં બીએસએફને મોટી સફળતાઃ એક ઘુસણખોરને ઠાર કરાયોઃ પાક.ની બે ચોકીઓ પણ ઉઠાવી access_time 12:19 pm IST

  • ભારતે લીધો બદલોઃ ૧૦ થી ૧૨ પાકિસ્તાની સૈનિકોને ભારતીય સેનાએ કર્યા ઠારઃ ર પાકિસ્તાની ચોકી પણ ઉડાવી access_time 1:17 pm IST