Gujarati News

Gujarati News

News of Sunday, 3rd December 2023

મધ્યપ્રદેશમાં અત્યાર સુધીમાં 15 ચૂંટણીમાં 19 મુખ્યમંત્રીઓ બન્યા: વધારે વખત રહ્યું અને કોનો કાર્યકાળ ટૂંકો રહ્યો

શિવરાજ સિંહ ચૌહાણનો મધ્યપ્રદેશના મુખ્યમંત્રી તરીકે અત્યાર સુધીનો સૌથી લાંબો કાર્યકાળ હતો. આ સમયગાળા દરમિયાન તેઓ 2005 થી 2008 દરમિયાન પ્રથમ વખત મધ્યપ્રદેશના મુખ્યમંત્રી બન્યા. તેઓ 2008થી 2013 દરમિયાન બીજી વખત અને 2013થી 2018 દરમિયાન ત્રીજી વખત મુખ્યમંત્રી બન્યા હતા. તેમનો કાર્યકાળ લગભગ 13 વર્ષ સુધી ચાલ્યો.

MPના અત્યાર સુધીના મુખ્યમંત્રી

  1. પં. રવિશંકર શુક્લા : શુક્લા 1 નવેમ્બર 1956ના રોજ મધ્યપ્રદેશની પ્રથમ વિધાનસભામાં મુખ્યમંત્રી બન્યા અને 31 ડિસેમ્બર 1956 સુધી આ પદ પર રહ્યા હતા.
  2. ભગવંતરાવ મંડલોઈ : 9 જાન્યુઆરી 1975 થી 30 જાન્યુઆરી 1957 સુધી પ્રથમ વિધાનસભામાં સીએમ હતા. આ પછી તેઓ ફરી એકવાર 12 માર્ચ 1962 થી 29 સપ્ટેમ્બર 1963 સુધી ત્રીજી વિધાનસભાના મુખ્યમંત્રી પદ પર રહ્યા.
  3. કૈલાશનાથ કાટજૂ : તેમણે 31 જાન્યુઆરી 1957 થી 14 એપ્રિલ 1957 સુધી પ્રથમ વિધાનસભામાં મુખ્યમંત્રી પદ સંભાળ્યું હતું. આ પછી, તેઓ 15 એપ્રિલ 1957 થી 11 માર્ચ 1962 સુધી બીજી વિધાનસભામાં મુખ્યમંત્રી રહ્યા.
  4. પં. દ્વારિકા પ્રસાદ મિશ્રા : 30 સપ્ટેમ્બર 1963 થી 8 માર્ચ 1967 સુધી ત્રીજી વિધાનસભા દરમિયાન એમપીમાં સીએમ હતા. તેમણે 8 માર્ચ 1967 થી 29 જુલાઈ 1967 સુધી ચોથી વિધાનસભામાં પદ સંભાળ્યું.
  5. વિજયરાજે સિંધિયા : વિજયરાજે સિંધિયા ગોવિંદ નારાયણ સિંહના કાર્યકાળ દરમિયાન 30 જુલાઈ 1967 થી 12 માર્ચ 1969 સુધી ગૃહના નેતા હતા.
  6. ગોવિંદ નારાયણ સિંહ : મધ્યપ્રદેશની ચોથી વિધાનસભા દરમિયાન 30 જુલાઈ 1967 થી 12 માર્ચ 1969 સુધી મુખ્યમંત્રી રહ્યા હતા.
  7. રાજા નરેશચંદ્ર સિંહ : મધ્યપ્રદેશના મુખ્યમંત્રી તરીકેનો સૌથી ટૂંકો કાર્યકાળ હતો. 13 માર્ચ 1969ના રોજ મુખ્યમંત્રી બન્યા અને 25 માર્ચ 1969 સુધી માત્ર 13 દિવસ જ પદ પર રહ્યા.
  8. શ્યામચરણ શુક્લ : 26 માર્ચ 1969ના રોજ મધ્યપ્રદેશની ચોથી વિધાનસભામાં મુખ્યમંત્રી બન્યા અને 28 જાન્યુઆરી 1972 સુધી રહ્યા. પાંચમી વિધાનસભા દરમિયાન 23 ડિસેમ્બર 1975ના રોજ મુખ્યમંત્રી બન્યા અને 30 એપ્રિલ 1977 સુધી પદ પર રહ્યા.
  9. પ્રકાશ ચંદ્ર સેઠી : ચોથી વિધાનસભા દરમિયાન સેઠી 29 જાન્યુઆરી 1972ના રોજ સીએમ બન્યા અને 22 માર્ચ 1972 સુધી પદ પર રહ્યા. આ પછી, તેઓ 23 માર્ચ 1972ના રોજ પાંચમી વિધાનસભામાં મુખ્યમંત્રી બન્યા અને 23 ડિસેમ્બર 1975 સુધી રહ્યા.
  10. કૈલાશ જોશી : કૈલાશ જોશી 24 જૂન 1977 થી 17 જાન્યુઆરી 1978 સુધી 6ઠ્ઠી વિધાનસભામાં મુખ્યમંત્રી પદે રહ્યા હતા.
  11. વિરેન્દ્ર કુમાર સખલેચા : 6ઠ્ઠી વિધાનસભા દરમિયાન સખલેચાએ 18 જાન્યુઆરી 1978ના રોજ મુખ્યમંત્રી તરીકે શપથ લીધા અને 19 જાન્યુઆરી 1980 સુધી રહ્યા.
  12. સુંદરલાલ પટવા : 6ઠ્ઠી વિધાનસભા દરમિયાન 20 જાન્યુઆરી 1980ના રોજ મુખ્યમંત્રી તરીકે શપથ લીધા અને 17 ફેબ્રુઆરી 1980 સુધી માત્ર 28 દિવસ આ પદ પર રહ્યા.
  13. અર્જુન સિંહ : સાતમી વિધાનસભામાં 1980 અને 1985 વચ્ચે પહેલીવાર મુખ્યમંત્રી બન્યા. આ પછી તેઓ 1985 થી 1990 દરમિયાન આઠમી વિધાનસભામાં બીજી વખત મુખ્યમંત્રી બન્યા. વચ્ચે તેમણે પદ છોડી દીધું અને ફરી એકવાર 14 ફેબ્રુઆરી 1988ના રોજ સીએમ તરીકે શપથ લીધા અને પછી 21 જાન્યુઆરી 1989 સુધી રહ્યા.
  14. મોતીલાલ વોરા : 25 જાન્યુઆરી 1989ના રોજ આઠમી વિધાનસભામાં મુખ્યમંત્રી બન્યા અને 9 ડિસેમ્બર 1989 સુધી આ પદ પર રહ્યા.
  15. દિગ્વિજય સિંહ : 1993 થી 1998 દરમિયાન દસમી વિધાનસભામાં પ્રથમ વખત સીએમ હતા. આ પછી તેઓ 1998 થી 2003 સુધી 11મી વિધાનસભામાં બીજી વખત મુખ્યમંત્રી રહ્યા.
  16. ઉમા ભારતી : મધ્યપ્રદેશમાં લાંબા સમય બાદ ભાજપની સરકાર બની. તેઓ 8 ડિસેમ્બર 2003ના રોજ 12મી વિધાનસભામાં મુખ્યમંત્રી બન્યા અને 23 ઓગસ્ટ 2004 સુધી પદ પર રહ્યા.
  17. બાબુલાલ ગૌર : 23 ઓગસ્ટ 2004ના રોજ 12મી વિધાનસભામાં મુખ્યમંત્રી બન્યા અને 29 નવેમ્બર 2005 સુધી આ પદ પર રહ્યા.
  18. શિવરાજ સિંહ ચૌહાણ : ચાર વખત મુખ્યમંત્રી બન્યા છે. સીએમ તરીકેનો તેમનો કાર્યકાળ સૌથી લાંબો છે.
  19. કમલનાથ : કોંગ્રેસના કમલનાથ 17 ડિસેમ્બર 2018ના રોજ મુખ્યમંત્રી બન્યા હતા. ત્યારબાદ તેઓ 20 માર્ચ 2020 સુધી મુખ્યમંત્રી રહ્યા.
(11:56 am IST)