Gujarati News

Gujarati News

News of Thursday, 3rd December 2020

તમિલનાડ-કેરળ પર ત્રાટકશે બુરેવી વાવાઝોડું

સંખ્યાબંધ સ્થળોએ રેડ અલર્ટની કરી જાહેરાત

નવી દિલ્હી, તા.૩: 'નિવાર' બાદ કેરળ અને તમિલનાડુ પર વધુ એક 'બુરેવી' વાવાઝોડાનું સંકટ તોળાઈ રહ્યું છે. બંગાળની ખાડીમાં સર્જાયેલ દબાણ શકિતશાળી વાવાઝોડામાં ફેરવાઈ શકે છે. આ વાવાઝોડું દક્ષિણ તમિલનાડુના તટ પર ૪ ડિસેમ્બર સુધી પહોંચવાની શકયતા છે.

હવામાન વિભાગના જણાવ્યા મુજબ 'બુરેવી'વાવાઝોડું સાંજે કે મોડી રાત્રે શ્રીલંકાના કાંઠા વિસ્તારમાંથી પસાર થશે. જે બાદ ૩ ડિસેમ્બરે પશ્યિમ તરફ મુન્નારની ખાડી અને કન્યાકુમારી પહોંચવાની સંભાવના છે. કેરળમાં તોફાની પવન સાથે વરસાદની સંભાવના છે.

'બુરેવી'વાવાઝોડાના પગલે તમિલનાડુમાં અલર્ટ જાહેર કરવામાં આવ્યું છે. આ સાથે જ કેરળ, કન્યાકુમારી, તમિલનાડુ અને અલાપ્પાઝામાં એનડીઆરએફની ટીમોને તહેનાત કરી દેવામાં આવી છે. માછીમારોને દરિયો ન ખેડવાની સૂચના આપવામાં આવી છે.

કેરળ હવામાન વિભાગના જણાવ્યા પ્રમાણે 'બુરેવી' વાવાઝોડું ૨ ડિસેમ્બરની સાંજે કે રાત્રે શ્રીલંકાના કાંઠા વિસ્તારમાંથી પસાર થશે. આ સાથે જ રાજયના અલગ-અલગ વિસ્તારોમાં તોફાની પવન સાથે ભારે વરસાદ વરસી શકે છે. દક્ષિણ-ઉત્તર તમિલનાડુ, પુડુચેરી, કરાઈકલ, દક્ષિણ-ઉત્ત્।ર કેરળ, દક્ષિણ આંધ્ર પ્રદેશ અને લક્ષદ્વીપના કેટલાક વિસ્તારોમાં ભારે વરસાદનું અલર્ટ આપવામાં આવ્યું છે.

(3:16 pm IST)
  • પત્રકારોને કોવિડ વોરિયર ગણવા પ્રેસ કાઉન્સીલની માંગણી : પ્રેસ કાઉન્સીલ ઓફ ઈન્ડિયાએ કેન્દ્ર સરકારને કહ્નાં છે કે કોરોના વાયરસને કારણે જે પત્રકારોનું મૃત્યુ થાય તેમને ‘કોવિડ- વોરીયર’ તરીકે ગણવા અને જે રીતે ડોકટરો અને બીજી આવશ્યક આરોગ્ય સેવાઓના સ્ટાફને સવલતો અને ફાયદા અપાય છે તે પત્રકારોને પણ આપવા માંગણી કરી છે access_time 4:05 pm IST

  • ૯ રાજ્યોમાં ૨૬ સ્થળે "ઈડી" ત્રાટક્યું: પોપ્યુલર ફ્રન્ટ ઓફ ઇન્ડિયા વિરુદ્ધના મની લોન્ડરિંગ કેસો બાબતે આજે "ઈડી"(એન્ફોર્સમેન્ટ ડાયરેકટોરેટે) નવ રાજ્યોમાં ૨૬ સ્થળોએ દરોડા પાડયા છે વિગતોની રાહ જોવાઇ રહી છે access_time 2:36 pm IST

  • તાપીમાં સગાઇ કાર્યક્રમમાં ભીડ ભેગી કરવા મામલોઃ ભાજપ નેતા કાંતિ ગામિત સહિત 4 આરોપીના સોનગઢ કોર્ટે 2 દિવસના રિમાન્ડ મંજૂર કર્યા. બાકીના 15 આરોપીની જામીન અરજીની તજવીજ હાથ ધરાઈ access_time 8:54 pm IST