Gujarati News

Gujarati News

News of Thursday, 3rd December 2020

ઉકેલની આશા સાથે ખેડૂતો- સરકાર વચ્ચે બેઠકનો પ્રારંભ

દિલ્હીમાં ખેડૂતોના આંદોલનનો આજે ૮મો દિવસઃ સરકાર થોડા ઘણા અંશે ઝુકવા તૈયારઃ એમએસપીમાં ખેડૂતોને લેખીત આશ્વાસન અને કાનૂનમાં ફેરફારો કરવા સરકાર તૈયારઃ ખેડૂતો સાથેની બેઠક પૂર્વે ગૃહમંત્રી શાહ અને પંજાબના મુખ્યમંત્રી અમરિન્દર સિંહ વચ્ચે બેઠકઃ ગઈકાલે રાત્રે સરકારમાં ઉચ્ચ કક્ષાએ બેઠકોના દૌર

નવી દિલ્હી, તા. ૩ :. કેન્દ્ર સરકાર દ્વારા લાવવામાં આવેલા ૩ કૃષિ કાનૂનોનો વિરોધ કરી રહેલા ખેડૂતો અને સરકાર વચ્ચે આજે બપોરે ફરી એક વખત મંત્રણાનો પ્રારંભ થયો છે. ખેડૂતોના આંદોલનનો આજે ૮મો દિવસ છે. આ ખેડૂતો ત્રણેય કૃષિ કાનૂન પરત લેવાની માંગણી કરી રહ્યા છે ત્યારે એવી આશા વ્યકત કરવામાં આવે છે કે આ બેઠકમાં સમસ્યાનો કોઈ ઉકેલ આવી જશે. આજે ખેડૂતો સાથેની બેઠક પૂર્વે ગૃહમંત્રી શાહ અને પંજાબના મુખ્યમંત્રી અમરીન્દરસિંહ વચ્ચે પણ બેઠક યોજાઈ હતી.

મળતા અહેવાલો મુજબ સરકાર ખેડૂતોની માંગણીઓ પર થોડા ઘણા અંશે ઝુકવા તૈયાર છે. જેમાં એમએસપી પર લેખીત આશ્વાસન, ત્રણેય કાનૂનોમાં કેટલાક સંશોધન ઉપરાંત પ્રદુષણ ફેલાવવા પર ૧ કરોડના દંડ અને ૫ વર્ષની સજાની જોગવાઈને સમાપ્ત કરવાની બાબત સામેલ છે. પંજાબના મુખ્યમંત્રી નવા કાનૂન પર આજે ગૃહમંત્રી શાહને મળ્યા છે. સૂત્રોના જણાવ્યા પ્રમાણે તેઓ આ ગતિરોધનો કોઈ ઉકેલ શોધવા શાહ સાથે ચર્ચા કરી રહ્યા છે. અત્રે નોંધનીય છે કે પંજાબના મુખ્યમંત્રી અને તેમનો પક્ષ ખેડૂતોને સમર્થન આપી રહ્યો છે. પંજાબ વિધાનસભાએ કેન્દ્રના નવા કૃષિ કાનૂનને નાબુદ કરતુ વિધેયક પણ પસાર કર્યુ છે.

આજે ખેડૂતો અને સરકાર વચ્ચે બેઠક શરૂ થાય તે પૂર્વે મોડી રાત્રે શાહ, તોમર અને પિયુષ ગોયલ વચ્ચે એક બેઠક યોજવામાં આવી હતી. જેમાં કૃષિ કાનૂનો સાથે જોડાયેલ ચિંતાઓને દૂર કરવાના ઉપાયો પર ચર્ચા થઈ હતી.

આજે કિસાન આંદોલનનો આઠમો દિવસ છે. મોટા પ્રમાણમાં ખેડૂતો દિલ્હીની સરહદોએ જામ કરીને બેઠા છે. તેઓએ કેન્દ્ર સમક્ષ પોતાની માંગણીઓ રાખી છે. અગાઉ યોજાયેલી બેઠક નિષ્ફળ ગઈ હતી.

(10:49 am IST)
  • કૃષિ બિલના વિરોધ વચ્ચે શિવરાજ સરકાર મહેરબાન : મધ્ય પ્રદેશના કિશાન કલ્યાણ યોજનાના લાભાર્થી ખેડૂતોના ખાતામાં બે બે હજાર રૂપિયા જમા થશે access_time 5:58 pm IST

  • દેશમાં કોરોનાના કેસનો આંકડો 95 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 31,357 કેસ નોંધાયા:કુલ કેસની સંખ્યા 95,31,109 થઇ :એક્ટીવ કેસ 4,22,347 થયા : વધુ 36,099 દર્દીઓ સ્વસ્થ થતા કુલ 89,67,902 રિકવર થયા :વધુ 467 લોકોના મોત સાથે કુલ મૃત્યુઆંક 1,38,627 થયો access_time 12:09 am IST

  • દેશનું સર્વશ્રેષ્ઠ પોલીસ સ્ટેશન મણીપુરમાં આવ્યુ છે : દેશના સર્વશ્રેષ્ઠ ૧૦ પોલીસ સ્ટેશનોના કેન્દ્ર સરકારે નામો જાહેર કર્યા છે : મણીપુરનું ‘નોîગકોક સેકમાઈ’ સૌથી પ્રથમ નંબરે આવે છે જયારે તામિલનાડુનું એડબલ્યુપીએસ - સુરમંગલમ બીજા નંબરે અને અરૂણાચલપ્રદેશનું ખારસંગ પોલીસ સ્ટેશન ત્રીજા નંબરે આવે છે. access_time 4:05 pm IST