Gujarati News

Gujarati News

News of Thursday, 3rd December 2020

નાગરિકોનો ડેટા NATGRID અને Netra દ્વારા મેળવાઈ રહ્યો છે : લોકોના બેન્ક એકાઉન્ટ ,ટ્રાવેલ હિસ્ટ્રી , સહિતની બાબતો મેળવવી તે બાબત નાગરિકોના મૂળભૂત હક્ક ઉપર તરાપ સમાન : દિલ્હી હાઇકોર્ટમાં એડવોકેટ પ્રશાંત ભૂષણની જાહેર હિતની અરજી : નામદાર કોર્ટે કેન્દ્ર સરકારનો જવાબ માંગ્યો

ન્યુદિલ્હી : નાગરિકોનો ડેટા NATGRID અને Netra દ્વારા મેળવાઈ રહ્યો છે  જે બાબત નાગરિકોના મૂળભૂત પ્રાઇવસી હક્ક ઉપર તરાપ સમાન છે.તેવી જાહેર હિતની અરજી એડવોકેટ પ્રશાંત ભૂષણ દ્વારા દિલ્હી હાઇકોર્ટમાં દાખલ કરાઈ છે.

સેન્ટર ફોર પબ્લિક ઇન્ટરેસ્ટ લીટીગેશન એનજીઓએ  ઉપરોક્ત અરજી એડવોકેટ પ્રશાંત ભૂષણ દ્વારા  દાખલ કરાવી છે.

દિલ્હી હાઇકોર્ટે ઉપરોક્ત પિટિશનને ધ્યાને લઇ કેન્દ્ર સરકારનો ખુલાસો માંગ્યો છે. જાહેર હિતની અરજીમાં   NATGRID અને Netra દ્વારા મેળવાઈ રહેલો  નાગરિકોનો ડેટા અટકાવી દેવા અરજ કરાઈ છે.

એડવોકેટ પ્રશાંત ભૂષણે સુપ્રીમ કોર્ટના અગાઉના જજમેન્ટને ટાંકીને જણાવ્યું હતું કે તેમાં અપાયેલી સૂચનાનું ઉલ્લંઘન થઇ રહ્યું છે.

તેમણે ઉમેર્યું હતું કે આ ડેટા મારફત નાગરિકોના બેન્ક એકાઉન્ટ ,તેમાં કરાયેલી લેવડદેવડ ,ટ્રાવેલ હિસ્ટ્રી સહિતની બાબતો મેળવી લેવામાં આવી રહી છે.જે તેમના નાગરિક અધિકારના ભંગ સમાન છે. કોઈ ચોક્કસ કારણ વિના કે કાયદેસરની પરમિશન વિના નાગરિકોની અંગત માહિતી મેળવી શકાય નહીં .

દિલ્હી હાઇકોર્ટના ચીફ જસ્ટિસ ડી.એન.પટેલ તથા જસ્ટિસ પ્રતીક જલનની ખંડપીઠે ઉપરોક્ત બાબતે એફિડેવિટ સાથે હાજર થવા કેન્દ્ર સરકારને આદેશ આપ્યો છે.જોકે તેઓએ ડેટા મેળવવાની હાલની પ્રક્રિયા સ્થગિત કરી દેવાનો ઇન્કાર કર્યો છે.તેવું બી.એન્ડ બી.દ્વારા જાણવા મળે છે.

 

(12:00 am IST)
  • નરેન્દ્રભાઈ બે દિવસની કચ્છની મુલાકાતે આવી રહ્યા છે : વડાપ્રધાન શ્રી નરેન્દ્રભાઈ મોદી ફરી બે દિવસના ગુજરાત પ્રવાશે આવી રહ્યાનું જાણવા મળે છે શ્રી નરેન્દ્ર ભાઈ મોદી આગામી ૧૪ અને ૧૫ ડીસેમ્બર ના રોજ કચ્છ આવી રહ્યા છે. માંડવી ખાતે ડિસેલીનેશન પ્લાન્ટનું ખાતમુહૂર્ત કરશે અને ખાવડામા જંગી સોલાર પ્રોજેકટનુ ખાતમુહૂર્ત કરશે. તેઓશ્રી ધોરડો ખાતે રાત્રી રોકાણ કરે તેવી પણ શકયતા છે. access_time 1:55 pm IST

  • દેશનું સર્વશ્રેષ્ઠ પોલીસ સ્ટેશન મણીપુરમાં આવ્યુ છે : દેશના સર્વશ્રેષ્ઠ ૧૦ પોલીસ સ્ટેશનોના કેન્દ્ર સરકારે નામો જાહેર કર્યા છે : મણીપુરનું ‘નોîગકોક સેકમાઈ’ સૌથી પ્રથમ નંબરે આવે છે જયારે તામિલનાડુનું એડબલ્યુપીએસ - સુરમંગલમ બીજા નંબરે અને અરૂણાચલપ્રદેશનું ખારસંગ પોલીસ સ્ટેશન ત્રીજા નંબરે આવે છે. access_time 4:05 pm IST

  • વિશ્વભરમાં બનાવટી કોરોના વેક્સીનના વેચાણનું ષડયંત્ર : ઈન્ટરપોલે વિશ્વભરના દેશોને ચેતવણી આપી છે કે ક્રિમીનલ નેટવર્ક ઈન્ટરનેટ દ્વારા અને બજારોમાં બનાવટી કોરોના વેક્સીનનું વેચાણ કરવા પ્રયાસો કરી રહી છે જેની સામે સૌ સાવધ રહે access_time 4:05 pm IST