Gujarati News

Gujarati News

News of Thursday, 3rd December 2020

મુંબઇ શિવસેના નેતા સંજય રાઉતની તબિયત લથડી : છાતીમાં દુ:ખાવો ઉપડતા લીલાવતી હોસ્પિટલમાં દાખલ

હવે ડોક્ટરે ફરીવાર એંજિયોપ્લાસ્ટી કરવાની સલાહ આપી : હાર્ડ સ્પેશ્યાલિસ્ટ ડો. મેથ્યુ તેમની સારવાર કરી રહ્યા છે.

મુંબઈ : શિવસેનાના નેતા અને રાજ્યસભાના સાંસદ સંજય રાઉતને હ્દયમાં તકલીફ થતાં તેમને મુંબઈની લીલાવતી હોસ્પિટલમાં ભરતી કરાવ્યા છે. કહેવાય છે કે, તેઓ અગાઉથી હ્દયની બિમારીથી પીડિત છે. થોડા સમય પહેલા જ ડોક્ટરે તેમની એંજિયોપ્લાસ્ટી કરી હતી. આ વખતે હ્દયમાં વધારે તકલીફ થતાં તેમને હોસ્પિટલમાં ભરતી કરવા પડ્યા છે. ત્યારે હવે ડોક્ટરે ફરી એક વાર તેમને એંજિયોપ્લાસ્ટી કરવાની સલાહ આપી છે. હાર્ડ સ્પેશ્યાલિસ્ટ ડો. મેથ્યુ તેમની સારવાર કરી રહ્યા છે.

અત્રે ઉલ્લેખનીય છે કે , સંજય રાઉત શિવસેનાના મુખ્ય પ્રવક્તાની સાથે સાથે પાર્ટી તરફથી રાજ્યસભાના સાંસદ પણ છે. તેમને ઉદ્ધવ ઠાકરેના ખાસ માનિતા માનવામાં આવે છે. તેઓ રાજ્યની દરેક સમસ્યાને ધારદાર રીતે સંસદમાં રજૂ કરી બતાવે છે. સંજ્ય રાઉત કોઈ પણ મુદ્દે બિંદાસ્ત રીતે બોલવામાં માહેર છે.

(12:00 am IST)
  • બિહારમાં ગયા જિલ્લાના અમાસ પોલીસ સ્ટેશન હેઠળ આવેલા મહાપુર ગામ નજીક જીટી રોડ ઉપર સ્કોર્પિયો વાહન અને કન્ટેનર ટ્રક વચ્ચે સામ-સામે જોરદાર અથડાતા આ ગંભીર અકસ્માતમાં 3 લોકોનાં મોત નીપજ્યાં છે અને 2 ઘાયલ થયા છે. access_time 12:05 am IST

  • દેશમાં કોરોનાના કેસનો આંકડો 95 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 31,357 કેસ નોંધાયા:કુલ કેસની સંખ્યા 95,31,109 થઇ :એક્ટીવ કેસ 4,22,347 થયા : વધુ 36,099 દર્દીઓ સ્વસ્થ થતા કુલ 89,67,902 રિકવર થયા :વધુ 467 લોકોના મોત સાથે કુલ મૃત્યુઆંક 1,38,627 થયો access_time 12:09 am IST

  • શેર બજારના પ્રારંભે ઉછાળો : શેરબજારના પ્રારંભે ૧૭૬ પોઈન્ટનો ઊછાળો આવ્યો અને ૪૪,૭૯૪ ઉપર આંક પહોંચ્યો : જયારે નિફ્ટી ૫૯ પોઈન્ટના વધારા સાથે ૧૩,૧૭૨ ના આકે પહોંચી. access_time 11:22 am IST